सिनेमा। लायरा प्रोडक्शन अउ ओशीन एंटरटेनमेंट के बहुप्रतिक्षित छत्तीसगढ़ी फिलिम ‘मया 3’ के ट्रेलर अमारा म्यूजिक म 2 अक्टूबर 2022 के रिलीज कर दे हावय। फिलिम मया 3 छॉलीवुड म धमाल मचाने वाला छत्तीसगढ़ी फिलिम ‘मया’ के सीक्वल आय। मया के सतीश जैन के निर्देशन म प्रकाश अवस्थी अउ अनुज शर्मा ल लेके बनाये गे रिहिस, जेन के सुपरहिट रिहिन, गाना के लोकप्रियता आज तको कायम हावय। इही रकम ले मया 2 के तको देखइया ह खूब पसंद करिन, अब मया 3 के बारी हावय।
एक्शन अउ रोमांस ले भरपूर दू भाइयों के पारिवारिक कहानी फिलिम ‘मया 3’ रेणु सिंह के निर्देशन म बने हावय। ए बार प्रकाश अवस्थी के संग लिप्सा मिश्रा ल लिस हावय। संग ही नितिन ग्वाला, जागृति सिन्हा, पुष्पेंद्र सिंह, क्रांति दीक्षित, अंजली सिंह चौहान, संजय महानंद, अजय पटेल, सुब्रत शर्मा, ललित उपाध्याय, जयंती मनहर उक अहम किरदार म हावयं। सूत्रों के माने त फिलिम के सिनेमाघर म देवारी के मउका म प्रदर्शित के जाही, संभावित तिथि 25 अक्टूबर 2022 बताइन जात हावय।
मया 3 के कहानी-
2 अक्टबूर 2022 ले सोशल मीडिया म रिलीज मया 3 के आधिकारिक ट्रेलर ले कहानी के अंदाजा लगाये त ये एक पारिवारिक ड्रामा फिलिम हावय, संग ही एक्शन अउ रोमांस के संग गीत तको सुमधुर हावय। फिलिम के कहानी सुरू होवत हावय शिवा यानी प्रकाश अवस्थी के छोटे परिवार ले जेमा ओकर एक छोटा भाई हावय। भाई के किरदार म हावय नितिन। शिवा के पत्नी के भूमिका म हावय लिप्सा मिश्रा जेन के ओडिसा के मशहूर अभिनेत्री अउ मॉडल हावय। लिप्सा के छत्तीसगढ़ी फिलिम म अभिनय के बात करे त येकर ले पहिली सुपरस्टर अनुज शर्मा के संग ‘मार डारे मया म’ म ओला देखे गे रिहिस। लिप्सा के छत्तीसगढ़ के देखइया ह भरपूर प्यार दे इही के परिणाम हावय के वें दोबारा सुपरस्टार प्रकाश अवस्थी के संग ‘मया 3’ म नजर आई।
फिल्म म पति-पत्नी के रूप म प्रकाश अउ लिप्सा के रोमांस के बीच हीरो के भाई नितिन के लव स्टोरी तको कॉलेज लाइफ ले होले-होले परवान चड़ने लगता हावय। नितिन के लव म भरोसा नइ रिहिसफिर तको ना-ना करत जागृति सिन्हा के प्यार म पड़ ही जाथे । कहानी शूरू ले ही देखइया के भरपूर मनोरंजन देत होइस स्लोमोशन म आगू बड़ता हावय। बीच-बीच म पुलिस के रूप म नितिन के एक्शन दिखता हावय फेर तभी अचानक ही शिवा के रौद्र रूप आगू आ जाथे।
शिवा के रौद्र रूप म आने के सेती बनत हावयं अंजली सिंह चौहान, पुष्पेंद्र सिंह, संजय महानंद अउ अजय पटेल। यानी अब फिलिम के खलनायक अपन औकात दिखा रिहिन हावयं त हीरो के तको अपन कैरेक्टर चेंच करे हावय। प्रकाश के खुशहाल परिवार म भाई के बिहाव के बाद नया बवाल मचता हावय जब अंजली कहत हावय- ‘अब हमर मनके एके मकसद हाबे बेटा शिवा अउ ओकर परिवार के बरबादी’। ए बीच संजय महानंद अपन दांव खेलते होइस कहत हावय- ‘पूरा गांव तोर बाई ल बांझ कथे अउ तोला निर्बंशा’। इही वो दू शब्द हावय जेन पूरा फिलिम के कहानी म उथल-पूथल मचा देत हावय।
प्रकाश अवस्थी के चिंतित देखके लिप्सा तको भावुक हो जाथे अउ कहत हावय कि- ‘मोर सेती ले तोला कोनो निर्वंश कही त मैं बर्दाश्त किहिन करे सकहूं, मोला तै तलाक देदे अउ कोनो दूसर ले बिहाव करके ले’। अब प्रकाश अउ नितिन के संग पारिवारिक लड़ाई म पूरा परिवार के संग फिलिम के अंत कोन रूप म होही..., ये जाये बर त पूरा फिलिम देखना होही 25 अक्टूंबर 2022 को। बहरहाल एक्शन अउ रोमांस ले भरपूर पारिवारिक कहानी म बहुत कुछ हावय त देखइया के पसंद आही।
क्या हावय फिलिम म खास-
छत्तीसगढ़ी सिनेमा के देखइया वर्ग बहुत खास होवत हावय, फिलिम के समझ होवत हावय, कला के कद्र करत हावय अउ शायद इही सेती हावय के वें हर फिलिम के देखत हावयं। मया 3 म का खास नजर आये ट्रेलर देखकर, त सबले पहिली त फिलिम के एक्शन, जेन कुछ साउथ के अंदाज म लगा। येकर अलावा संजय महानंद अउ अंजली सिंह के भूमिका हावय जेन बहुत खास हावय। ए फिलिम के संग-साथ देखइया अउ कलाकार मन बर तको चैलेजिंग हावय। संजय महानंद जेन छॉलीवुड म हमेशा हंसाने के काम करत रिहिस ए फिलिम म विलेन के भूमिका म हावयं। अंजली चौहान के आप साधारण हीरो-हीरोइन के मां के किरदार म देखत रिहिस, फेर ए फिलिम म अंजली तको निगेटिव रोल म हावय, विलेन के मां के रूप में।
- फिल्म - मया 3
- निर्माता- लक्ष्मी प्रकाश जायसवाल, प्रकाश अवस्थी, रेनु सिंह, मौसमी ग्वाला, मनीष ग्वाला, तरूण सोनी, नारायण ग्वाला, शकील साजिव, कौशल शर्मा
- निर्देशन- रेनु सिंह,
- संगीत- सुनिसल सोनी
- कलाकार- प्रकाश अवस्थी, नितिन ग्वाला, लिप्सा मिश्रा, जागृति सिन्हा , पुष्पेंद्र सिंह, क्रांति दीक्षित, अंजली सिंह चौहान, संजय महानंद, अजय पटेल, सुब्रत शर्मा, ललित उपाध्याय, जयंती मनहर आदि।
- सिनेमेटोग्राफी- जय नंदन
- गीतकार- विष्णु कोठारी, चंद्रप्रकाश, विजय दमालि
- कोरियाग्राफी- निशांत उपाध्याय, संजू तांडी, बाबा बघेल, दिलीप बैस
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।