प्रवेश अउ फीस विनियामक समिति के बइठक म निजी कॉलेज म आने-आने पाठ्यक्रम के खातिर अंतरिम फीस निर्धारित

अंजोर
0

प्रवेश अउ फीस विनियामक समिति के बइठक म निजी कॉलेज म आने-आने पाठ्यक्रम के खातिर अंतरिम फीस निर्धारित

अंजोर.रायपुर। प्रवेश अउ फीस विनियामक समिति के अध्यक्ष प्रभात कुमार शास्त्री के अध्यक्षता म आयोजित समिति के बइठक म छात्रहित ल धियान म रखत दू निजी मेडिकल कॉलेज के एम.डी., एम.एस.(पी.जी.) के कुछ पाठ्यक्रम सहित कुछ निजी कॉलेज, जेमे फीस के निर्धारण नइ रिहिस, बी. फार्मेसी, डी. फार्मेसी, एम. फार्मेसी, एम.ई./एम.टेक, एम.सी.ए. अउ पी.एच.डी. (इंजीनियरिंग) पाठ्यक्रम के खातिर अंतरिम फीस करार करे गे। फीस म कोनो बढ़ोत्तरी अभी नइ करे गे हावय। शिक्षण संस्था मन ले ये तको किहिन के पढ़इया लइका ले करार फीस के उपराहा कोनो तको उपराहा फीस न ले जाए।

समिति के अध्यक्ष प्रभात कुमार शास्त्री ले मिले जानकारी के मुताबिक प्रदेस के 02 निजी मेडिकल कॉलेज डहर ले जेकर एम.डी., एम.एस.(पी.जी.) के कुछ कोर्स के फीस के निर्धारण उंकर डहर ले आवेदन प्रस्तुत नइ करे के सेती नइ रिहिस, उन कोर्स म प्रवेश म रोक लगाये के कार्यवाही करे गे रिहिस, जेकर परिप्रेक्ष्य म संबंधित शिक्षण संस्था मन ले आवेदन प्रस्तुत करे गिस, फेर अभी तको सरी जानकारी जेन समिति के चाही, प्रस्तुत नइ करे गे हावय, इही सेती छात्रहित के धियान म रखत एम.डी., एम.एस.(पी.जी.) के बांचे कोर्स के फीस अंतरिम रूप ले करार करे के संकल्प बइठक म पारित करिन। संग ही बइठक म बी. फार्मेसी, डी.फार्मेसी, एम. फार्मेसी, एम.ई./एम.टेक, एम.सी.ए. अउ पी.एच.डी. (इंजीनियरिंग) के तको जेन कॉलेजों के आवेदन पहिली म मिले नइ रिहिस, उंकर तको आवेदन म अभी पूर्ववत करार मुताबिक अंतरिम फीस ही करार करे गे हावय। फीस म कोनो बढ़ोत्तरी अभी नइ करे गे हावय।

शिक्षण संस्था मन ल ये तको सूचित करे गे हावय के पढ़इया लइका ले कोनो तको  उपराहा शुल्क नइ लें। यदि लेही त ए म विधि सम्मत कार्यवाही के जाही। पहिली म तको यदि कोनो निजी शिक्षण संस्था मन ह येकर प्रतिकूल बुता करिन हावय त उन संस्था मन म शिकायत मिले म कार्यवाही करे जाही।

प्रवेश अउ विनियामक समिति के बइठक म आने-आने पाठ्यक्रम के खातिर निम्नानुसार अधिकतम अउ न्यूनतम फीस के निर्धारण करे गे हावय-

MD (Anaesthesiology) अधिकतम अउ न्यूनतम फीस 6 लाख रूपए,  MD (Dermatology) अधिकतम अउ न्यूनतम फीस 7 लाख रूपए, MD (General Medicine) अधिकतम अउ न्यूनतम फीस 6 लाख रूपए,MS (General Surgery) अधिकतम अउ न्यूनतम फीस 6 लाख रूपए, MD (Obstetrics & Gynecology) अधिकतम अउ न्यूनतम फीस 6 लाख रूपए,MS (Ophthalmology) अधिकतम अउ न्यूनतम फीस 6 लाख रूपए,MS(Orthopedics) अधिकतम अउ न्यूनतम फीस 6 लाख रूपए,MS (Otorhinolaryngology)अधिकतम अउ न्यूनतम फीस 6 लाख रूपए, MD (Pediatrics) अधिकतम अउ न्यूनतम फीस 6 लाख रूपए,MD(Psychiatry)अधिकतम अउ न्यूनतम फीस 6 लाख रूपए, डMD (Radiodiagnosis) अधिकतम अउ न्यूनतम फीस 8 लाख 50 हजार रूपए, MD (Respiratory Medicine) अधिकतम अउ न्यूनतम फीस 7 लाख रूपए,MD(Pharmacology) अधिकतम अउ न्यूनतम फीस 6 लाख रूपए, MS(Ophthalmology) अधिकतम अउ न्यूनतम फीस 6 लाख रूपिया करार के गे हावय।

इही रकम ले बी०फार्मेसी के प्रति सेमेस्टर अधिकतम अउ न्यूनतम फीस 32 हजार 950 रूपए, डी० फार्मेसी के प्रति सेमेस्टर अधिकतम अउ न्यूनतम फीस 52 हजार 500 रूपए, एम. फार्मेसी के प्रति सेमेस्टर अधिकतम अउ न्यूनतम फीस 53 हजार 400 रूपए, पी.एच.डी. (इंजीनियरिंग) के प्रति सेमेस्टर अधिकतम अउ न्यूनतम फीस 32 हजार 875 रूपए, एम.ई./एम.टेक के प्रति सेमेस्टर अधिकतम अउ न्यूनतम फीस 30 हजार 350 रूपए, एम.सी.ए. के प्रति सेमेस्टर अधिकतम अउ न्यूनतम फीस 30 हजार 250 रूपिया करार करे गे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !