अक्टूबर ले लगही जिला म स्वास्थ्य शिविर, स्पेशलिस्ट डॉक्टर तको रइही : कलेक्टर श्रीमती साहू

अंजोर.रायगढ़। जिला के ग्रामीण अंचल म स्वास्थ्य सुविधा के पहुंच के विस्तार दे अउ विशेषज्ञ चिकित्सा सेवा के उपलब्धता बर कलेक्टर श्रीमती रानू साहू के पहल म जिला म वृहत स्वास्थ्य शिविर के आयोजन होए हावय। ये शिविर अक्टूबर महीना ले लगाए जाही। कलेक्टर श्रीमती साहू ह स्वास्थ्य विभाग के संग सीईओ जनपद अउ आन संबंधित विभाग के येकर खातिर जरूरी तइयारी म जुटने के निर्देश समय-सीमा के बइठक म दे हावयं। ओमन किहिन के शिविर म विशेषज्ञ डॉक्टर मन के तको सेवा ले जाएं। जेन गांव म ये शिविर आयोजित हो उंकर आस-पास के गांव के लोगन तको येकर फायदा उठा सकही। कलेक्टर श्रीमती साहू ह शिविर के रूप रेखा म गोठबात करत होइस निर्देशित करिन के शिविर दिनांक ले पहिली संबंधित गांव के संग आस-पास के गांव के मितानिन मन ले हेल्थ सर्वे करवाएं। जेकर ले गंभीर रूप ले बीमार अउ दिव्यांग के पहचान हो सके अउ ओला उंकर जरूरत  मुताबिक मदद उपलब्ध कराये जा सके।