अंजोर.रायपुर। राउंड टेबल इंडिया के टीम ह रायपुर शहर जे जरूरतमंद दिव्यांग के सफ़र आसान करे के खातिर एक मुहिम चलाये हावय। ए मुहिम के तहत सनिच्चर के संस्थान डहर ले अब जरूरतमंद दिव्यांग मनखे मन ल मुफ्त म ट्राई साइकिल दे गिस। रायपुर कलेक्टर डॉ. सर्वेश्वर भूरे के मुख्य आतिथ्य म संस्था के कोति ले 25 ले तको ज़्यादा ट्राई साइकिल दिव्यांग ल दिस। अपन सफ़र के खातिर एक संसाधन मिले म दिव्यांग के चेहरे ले खुशी साफ म झलकत रिहिस। ए आयोजन म समिलहा रूप ले रॉयल राउंड टेबल 169, रॉयल राउंड टेबल 241, रॉयल राउंड टेबल 312, रॉयल राउंड टेबल 317 अउ लेडीज़ सर्कल इंडिया ह तको अपन सहयोग दीस।
ट्राई साइकिल बाटे के बखत कलेक्टर डॉ. सर्वेश्वर भूरे ह तको संस्था के ए बुता के प्रसंशा करत किहिन समाज के ग़रीब अउ जरूरतमन्द तपके के राउंड टेबल इंडिया डहर ले करे जात बुता गजब सराहनीय हावय। गरीब लइका के शिक्षा दीक्षा के संग ही जरुतमन्दों के मदद सरलग संस्थान के लोगन करके रिहिन हावय। मैं पूरा टीम के बधाई देत हावं।
राउंड टेबल इंडिया के पदाधिकारी मन ह जानकारी देत बताइन के "हमर इहाँ कई दिव्यांग अइसे हावय, जेन ट्राई साइकिल तको खरीद नइ पाये। अइसे जरुरतमंद लोगन के हम राउंड टेबल इंडिया के कोति ले ट्राई साइकिल देके, ओला उंकर मंजिल तक पहुंचे म एक छोटा सा प्रयास करिन हावय।"
राउंड टेबल इंडिया के पदाधिकारी मन ह आगू बताइन के "फिलहाल येकर शुरुआत हमन अपन शहर रायपुर ले के हावय, जिहां आज शहर के तेलीबांधा तरिया (मरीन ड्राइव) म 25 ले तको ज़्यादा दिव्यांग के फोकट म ट्राई साइकिल के बाटे हावय। आने वाला समय म हम अउ तको वृहद स्तर म ए रकम ले के आयोजन करे के तइयारी करही।"
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।