ग्रामीण युवा शक्ति के उपयोग गांव के सर्वांगीण विकास के खातिर जरूरी : कलेक्टर डॉ भुरे..., अंजोर छत्तीसगढी म पढ़व पूरा खबर

अंजोर.रायपुर। कलेक्टर डॉ सर्वेश्वर भुरे अभनपुर विकासखंड के राजीव युवा मितान क्लब के अध्यक्ष के प्रशिक्षण कार्यक्रम म सामिल होइन। जनपद कार्यालय अभनपुर के सभाकक्ष म अध्यक्ष म क्लब के उद्देश्य ले अवगत कराइन। ओमन किहिन के गांव के युवा शक्ति के उपयोग गांव के सर्वांगीण विकास के खातिर करना हावय। युवा रचनात्मक बुता ले जुड़के सामाजिक बुराई ल दूरिहा कर सकत हावयं।

कलेक्टर ह किहिन के ग्रामीण युवा संस्कृति अउ पर्यावरण के संरक्षण, कुपोषण के दूरिहा करना, शिक्षा ल बढ़ावा देना, स्वच्छता अभियान, आने-आने खेल गतिविधी, नशा मुक्ति उक बुता म अपन महती भूमिका निभा सकत हावय। येकरे संग ही रोजगार अउ सरकारी हितग्राही मूलक योजना मन के प्रति लोगन ल जागरूक करे जा सकत हाबे। क्लब म ग्रामीण युवा मनला जोड़के ग्रामीण विकास एव आन रचनात्मक गतिविधी के संबंध म बुता योजना बनाएं। ए मउका म जनपद पंचायत के अध्यक्ष श्रीमती देवनंदनी साहू, उपाध्यक्ष राजू बारले, जिला पंचायत रायपुर के मुख्य कार्यपालन अधिकारी डॉ. रवि मित्तल अउ जनपद पंचायत के मुख्य कार्यपालन अधिकारी प्रमुख रूप ले उपस्थित रिहिस।