सुंदरकेरा म ‘स्वच्छता ही सेवा’’ अभियान सुरू करिन कलेक्टर डॉ.सर्वेश्वर नरेन्द्र भुरे.., अंजोर छत्तीसगढी म पढ़व पूरा खबर

अंजोर.रायपुर। कलेक्टर डॉ.सर्वेश्वर नरेन्द्र भुरे ह अभनपुर जनपद के गांव पंचायत सुन्दरकेरा गउठान के निरीक्षण करिन। निरीक्षण के बखत ओमन महिला स्व-सहायता समूह ले कुकरी पालन, मशरूम उत्पादन अउ वर्मी कम्पोस्ट के संबंध म गोठबात करिस। महिला स्व-सहायता समूह के डहर ले वर्मी कम्पोस्ट उत्पादन के लागत रकम 5 लाख रूपिया अउ वर्मी कम्पोस्ट ले आय रकम 1 लाख 92 हज़ार 930 रूपिया अउ सुपर कम्पोस्ट ले आय के रकम 3 लाख 21 हज़ार 30 रूपिया कुल 2 लाख 25 हज़ार 60 रूपिया के आमदनी होए के जानकारी दीस। तपस्या स्व-सहायता समूह डहर ले मशरूम उत्पादन के लागत रकम 2 हज़ार रूपिया म आय के रकम 3 हज़ार 6 रूपिया मिले के जानकारी दीस।

स्व-सहायता समूह डहर ले ये तको जानकारी दीस के मनरेगा ले स्वीकृत  दवई  पौधा के खेती तको करे हावय। जेमा लेमन ग्रास लगाये गे हावय, जेकर कटाई के बुता अवइया सप्ताह म करे जाही। कडकनाथ कुकरी पालन बर महिला स्व-सहायता समूह ल क्युलेटर के सुविधा दे गे हावय, जेकर माध्यम ले 21 दिन म चूजा निकल आते हावय। ए मशीन के सफलता दर 95 परतिसत तक हावय। मुर्गी पालन के माध्यम ले समूह अउ जादा सक्षम हो सकही। समूह के महिला मन डहर ले स्वच्छ भारत मिशन अउ मनरेगा के अभिशरण ले सेग्रीकेशन शेड के बनाये हावय, जेमा महिला मन डहर ले कचरा संग्रहण के बुता तको करे जात हावय।

महिला स्व.सहायता समूह डहर ले मछरी बर नया तरिया बनाये अउ महिला भवन के मांग करे गिस। जेमा कलेक्टर ह मुख्य कार्यपालन अधिकारी जिला पंचायत रायपुर ल ये बुता स्वीकृत करे बर निर्देशित करिस। ए मउका म  ‘‘स्वच्छता ही सेवा’’ अभियान के सुरू तको करिन।