अंजोर.रायपुर। श्रमायुक्त छत्तीसगढ़ शासन डहर ले न्यूनतम वेतन अधिनियम 1948 के प्रावधान के मुताबिक राज्य के आने-आने अनुसूचित नियोजन म काम करइया मजदूर के खातिर एक अक्टूबर 2022 ले परिवर्तनशील मंहगाई भत्ता करार करे हावय। श्रमायुक्त ह लेबर ब्यूरो शिमला ले मिले औद्योगिक सूचकांक के मुताबिक जनवरी 2022 ले जून 2022 के बीच होए बड़वार के आधार म औद्योगिक मजदूर ल मंहगाई भत्ता म हरेक महीना 160 रूपिया अउ कृषि मजदूर के मंहगाई भत्ता म प्रतिमाह 150 रूपिया के बड़वार करे गे हावय। इही रकम ले ले अगरबत्ती बनइया श्रमिक के एक हजार अगरबत्ती बनाये म 0.4 रूपए, बीड़ी मजदूर ल एक हजार बीड़ी बनाये म 4.25 रूपिया के बड़वार करे गे हावय। ये दर एक अक्टूबर 2022 ले 31 मार्च 2023 तक के खातिर करार करे गे हावय।
सामान्य नियोजन के खातिर करार न्यूनतम मजदूरी दर के मुताबिक मजदूर ल बाढ़हे दर म मजदूरी अब एक अक्टूबर 2022 म मिलही। अकुशल मजदूर के करार जोन अ म रोज मजदूरी 393 रूपिया करार करे गे हावय। ब जोन के 383 रूपिया अउ स जोन के खातिर 373 रूपिया मजदूरी रोज मजदूरी देय होही। अर्द्धकुशल मजदूर के जोन अ के खातिर 418 रूपए, जोन ब के खातिर 408 रूपिया अउ जोन स के खातिर 398 रूपिया रोज मजदूरी करार हावय। कुशल मजदूर ल जोन अ के खातिर 448 रूपए, ब जोन के खातिर 438 रूपिया अउ जोन स के खातिर 428 रूपिया रोज कुल मजदूरी मिलही। इही रकम ले ले उच्च कुशल श्रमिक के करार मजदूरी के मुताबिक अब जोन अ के खातिर 478 रूपए, जोन ब के खातिर 468 रूपिया अउ जोन स के खातिर 458 रूपिया रोज मजदूरी मिलही।
कृषि मजदूर के खातिर करार न्यूनतम वेतन दर के मुताबिक अकुशल कृषि श्रमिक के खातिर 273 रूपिया रोज मजदूरी करार हावय। श्रमायुक्त डहर ले प्रभावशील न्यूनतम वेतन दर के विस्ता्र ले जानकारी छत्तीसगढ़ शासन श्रम विभाग के वेबसाईट www.cglabour.nic.in म उपलब्ध हावय। येकर अलावा श्रमायुक्त कार्यालय इंद्रावती भवन, खण्ड तीन दूसरइया तल नवा रायपुर ले तको सम्पर्क करके जानकारी ले सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।