छत्तीसगढ़ के स्टार्टअप ईकोसिस्टम ल देखही ऑस्ट्रियाई..., अंजोर छत्तीसगढ़ी म पढ़व पूरा खबर

अंजोर.रायपुर। छत्तीसगढ़ म स्टार्टअप्स ईको सिस्टम ल मजबूत बनाये के खातिर छत्तीसगढ़ के प्रतिनिधिमंडल ऑस्ट्रिया के दौरा म हावय। ये प्रतिनिधिमंडल एडवांटेज ऑस्ट्रिया कार्यक्रम के तहत ऑस्ट्रिया के उद्यमी अउ उहां के उद्योग व्यवसाय ले जुड़े संस्था मन ले गोठबात करके छत्तीसगढ़ म स्टार्टअप के क्षेत्र म करे  नवाचार अउ स्टार्टअप ईको सिस्टम के बारे म जानकारी देके उंकर ले विचार-विमर्श करे हावय। प्रतिनिधिमंडल ह ऑस्ट्रिया के विएना, ग्राज़, लिंज़, इन्सब्रुक शहर के भ्रमण करिन अउ ऑस्ट्रिया के प्रवासी भारतीय संग ही नवाचार, स्टार्टअप, निवेश अउ व्यवसाय म कार्यरत केऊ संस्था मन ह बइठक म भाग लेके अपन विचार के आदान-प्रदान करिन। अपन भ्रमण के बखत प्रतिनिधिमंडल ह सबो ऑस्ट्रिया के  अधिकारी मनतथा स्टार्टअप्स संचालित करे वाला उद्यमी, निवेशक ल छत्तीसगढ़ के स्टार्टअप ईको सिस्टम ल देखे के खातिर आमंत्रित करिन।

छत्तीसगढ़ के प्रतिनिधि मंडल ह यात्रा के बखत विएना बिज़नेस एजेंसी के सुश्री जेनिफर ज़हाँग (रीजिनल मैनेजर एशिया), जान जरिगा (स्टार्टअप सर्विस), एलेक्जेंडर वर्गलेस्की (डिजिटल टेक्नोलॉजी) ले मुलाक़ात करके विएना अउ ऑस्ट्रिया म कार्यरत स्टार्टअप्स के जानकारी मिले के अउ छत्तीसगढ़ म विकसित हो रिहिन स्टार्टअप ईको सिस्टम के ब्योरा तको दे। ए प्रतिनिधिमंडल म छत्तीसगढ़ के इलेक्ट्रॉनिक्स अउ सूचना प्रौद्योगिकी विभाग के सचिव अउ चिप्स के सीईओ समीर विश्नोई, 36 आईएनसी के सीईओ अजितेश पाण्डेय, चिप्स के ज्वाइंट सीईओ नीलेश सोनी अधिकारी सामिल हावयं।

एडवांटेज ऑस्ट्रिया कार्यक्रम के तहत छत्तीसगढ़ के प्रतिनिधिमंडल के इन्वेस्ट ऑस्ट्रिया के निदेशक जैकब सेन्सिक ह इन्वेस्टमेंट इन्वेस्ट प्लान के जानकारी दीस। कार्यक्रम के दुसरे चरण म छत्तीसगढ़ के प्रतिनिधि मंडल के विएना यूनिवर्सिटी के तको भ्रमण करिन अउ उहां के इकोनॉमिक एंड बिज़नेस के प्रोफेसर रोडोल्फ डोमोटोर, डायरेक्टर ॅन् ह एंटरप्रेन्योरशिप प्रोग्राम म यूनिवर्सिटी के क्रियाकलाप के बारे म जानकारी दीस। प्रतिनिधिमंडल ह सुश्री कारमेन गोबी वाईस प्रेसिडेन्स ऑस्ट्रियन फ़ेडरल कनोमिन्स चैम्बर ले स्टार्टअप ईको सिस्टम अउ निवेश के बारे म बिसेस तौर म गोठबात करिस।