सिनेमा। नवरात्रि परब म सिनेमा तको अपन अलग अंदाज म रिथे। हर कोई अपन-अपन तरीका ले येला मनाथे, कोनो मन आस्था ले जोत जवांरा रखथे, उपास करथे। त कतकोन मन रास-गरबा म रमे रिथे। रास-गरबा के बड़का आयोजन गुजरात ले अब भारत के संग आन देश म बसे भारतवासी मनके बीच होए लगे हावय। तब भला सिनेमा कइसे येकर ले अलग हो सकही।
बॉलीवुड तो अपन रंग रंगायेच हाबे संग म अब छत्तीसगढ़ के आंचलिक सिनेमा तको नवरात परब म नवाचारी करत हाबे। हाल ही म छॉलीवुड के लोकप्रिय अभिनेत्री मन सोशल मीडिया म स्पेशल फोटोशूट कराके पोस्ट करे हावय। ये फोटो ल कोनो धरम या आस्था ले जोड़के देखे के बजाये फिल्मी नजर ले देखव, बहुत खूबसूरत फोटोशूट कराये हाबे। छॉलीवुड के नायक-नायिका सहित आन कलाकार मन तको नवरात्रि म कुछ न कुछ नवा उदीम करे हावय।
आज हम सोशल मीडिया म पोस्ट छॉलीवुड के चर्चित चेहरा यानी अभिनेत्री अनिकृति चौहान, मुस्कान साहू, मनीषा वर्मा, सोनाली सहारे, कॉजल सोनबेर, जयंती मनहर, अनुपमा मनहर, अनिता बरेठ अउ काजल श्रीवास उक मनके सैकड़ों लाइक अउ शेयर वाला फोटो के बिसय म गोठ करबो।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।