अंजोर.रायपुर। मुख्यमंत्री भूपेश बघेल ह अपेक्स बैंक अउ जिला सहकारी केंद्रीय बैंक म समकक्ष पद म पाछु 10 साल म 2 गुना ले जादा वेतन भत्ता के बढ़ोतरी पाए जाये म नाराजगी व्यक्त करे हावय। मुख्यमंत्री ह मध्यप्रदेश के बैंक के तुलना म 2 गुना ले जादा वेतन बढ़ोतरी म जांच कराये के निर्देश दे हावयं। ओमन ये तको निर्देशित करे हावय के भविष्य म होवइया खाली पद के पूर्ति शासन के समान वेतनमान म करे जाये।
जानबा होवय के मुख्यमंत्री भूपेश बघेल के अध्यक्षता म अपेक्स बैंक अउ प्रदेस के सबो जिला सहकारी केंद्रीय बैंक के प्रचलित सेवा नियम अउ उंकर वेतनमान के संबंध म बइठक आयोजित करे गे रिहिस। बइठक म मुख्यमंत्री जी डहर ले निर्देश दे गे के नवा सेवा नियम लागू होए के बाद अपेक्स बैंक अउ जिला सहकारी बैंक म लगभग 2900 पद के खाली होही, ओमा लघियात भरती के कार्यवाही राज्य एजेंसी व्यापम के माध्यम ले भरती के कार्यवाही लघियात करे जाये, जेकर ले प्रदेस के बेरोजगार युवक ल लाभ मिल सके।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।