मुख्यमंत्री भूपेश बघेल प्रदेसवासी ल दीस स्वतंत्रता दिवस के सुभकामना

अंजोर.रायपुर। मुख्यमंत्री भूपेश बघेल ह देश के आजादी के 75 वीं वर्षगांठ  म प्रदेसवासी ल बधाई अउ सुभकामना दीस। स्वतंत्रता दिवस के पहिली संझा जारी अपन संदेश म ओमन किहिन के ए साल भारत ल आजादी मिले 75 साल पूरा होगे हावयं। ए खुशी म पूरा देश आजादी के अमृत महोत्सव मनात हावय। हजारों लोगन के कठिन संघर्ष, त्याग अउ बलिदान ले हमन ल ये अमूल्य आजादी मिले हावय। आने-आने जाति, धर्म, खान-पान, बोली-भाषा अउ भौगोलिक विविधता वाला भारत ल आजादी के बाद उंकर स्वतंत्र राष्ट्र के रूप म सफल होए के आशंका जताई गे रिहिस। फेर केऊ चुनौति के बावजूद आज भारत पूरा विश्व म सबले बड़े लोकतंत्र के रूप म अपन पहचान बना चुके हावय। आजादी के खातिर अपन प्राण न्यौछावर करइया सबो अनाम योद्धा, शहीद अउ वीर जवान मनला नमन करत मुख्यमंत्री ह किहिन हावय के जेकर बलबूते आज हम आजाद वातावरण म सांस लेज हावन, ओला सुरता करके मन सम्मान अउ गर्व ले भर जाथे।