अंजोर.जगदलपुर। छत्तीसगढ़ म अग्निवीर के भरती के खातिर आवेदन के प्रक्रिया 5 अगस्त ले 3 सितंबर तक जारी हावय। प्रभारी अधिकारी सेवानिवृत्त कमांडर संदीप मुरारका ह बताइन के भरती के कार्यवाही 11 नवम्बर ले 22 नवम्बर तक आयोजित करे जाही। अग्निवीर बने के खातिर 17.5 ले 23 साल के युवक अउ युवती www.joinindianarmy.nic.in के माध्यम ले आवेदन कर सकत हावयं। येकर संग ही सबो जरूरी दस्तावेज तको अपलोड करना होही।
अग्निवीर सामान्य ड्यूटी बर शैक्षणिक योग्यता कक्षा 10वीं म न्यूनतम 45 परतिसत अंक के संग पास होना जरूरी हावयं अउ सबोच विषय म 33 अंक होना जरूरी हावय। अग्निवीर लिपिक क्लर्क, स्टोर कीपर के खातिर शैक्षणिक योग्यता कक्षा 12 म न्यूतम 60 परतिसत अंक अउ सबोच विषय म 50 परतिसत अंको के संग पास होना जरूरी हावय। अग्निवीर तकनीकी शैक्षणिक योग्यता कक्षा 12 विज्ञान, गणित, भौतिकी, रसायन विज्ञान अउ अंग्रजी विषय म न्यूनतम 50 परतिसत अंक अउ सबोच विषय म 40 परतिसत अंक के संग पास होना जरूरी हावय।
अग्निवीर ट्रेडमेन शैक्षणिक योग्यता कक्षा 10 वीं पास होना जरूरी हावय अउ सबोच विषय म 33 परतिसत अंक होना जरूरी हावय। आवेदन करइया के जन्मतिथि 1 अक्टूबर 1999 ले 1 अपै्रल 2005 के बीच होना चाही। ए भरती के नियम अउ अहर्ता भारतीय थल सेना डहर ले करार हावय। आवेदन करइया अपन पंजीयन इंटरनेट के माध्यम ले स्वयं कर सकत हावय या कोनो इंटरनेट कैफे, सीएससी, इंस्टीट्यूट के माध्यम ले करवा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।