रायगढ़। एसपी अभिषेक मीना के दिशा निर्देशन अउ एडिशनल एसपी लखन पटले अउ एसडीओपी धरमजयगढ़ दीपक मिश्रा के मार्गदर्शन म आईपीएसी प्रभात कुमार के अगुवई म पुलिस के बिसेस टीम डहर ले उत्तर प्रदेस के गाजियाबाद ले गिरफ्तार करके ठग मन ला लाये गे हावय।
मुख्य आरोपी अमितेश कीर्ति बी-टेक के पढाई करे हावय जेन शातिर तरीका ले लेबर किस्म के लोगन के नाम ले जारी सिम के उपयोग ठगी बर करत रिहिस। साल 2019 ले 2021 तक उंकर रायगढ़ धरमजयगढ़ के शिक्षक ल लोन देवाये के नाम म 29 लाख रूपिया ठग लिस। पीड़ित ल आरोपी डहर ले उपलब्ध कराये गे कुछ बांड पेपर सही रिहिस जेकर सेती पीड़ित ल ठगी के आभास नइ होइस अउ वो ह आरोपी के बताये गे बैंक अकांउट म रूपिया ट्रांसफर करे रिहिस। पीड़ित शिक्षक जब पुलिस के संपर्क म आइस तब पुलिस ए रकम ले कोनो के लोन नइ मिलना बताइस। तब शिक्षक ल ठगी के अहसास होइस अउ उंकर डहर ले थाना धरमजयगढ़ म धोखाधड़ी के रिपोर्ट दर्ज कराइन।
पीड़ित शिवपद मल्लिक पिता स्व. तारापद मल्लिक निवासी धरमजयगढ़ सरकारी स्कूल म व्याख्याता हावय। थाना धरमजयगढ़ म लिखित आवेदन देके रिपोर्ट दर्ज कराइन के अगस्त 2019 म घर बनाये खातिर होम लिस। उही बखत आदित्य बिरला कंपनी के शाक्षी शर्मा नाम के मनखे फोन करके बताइन के हमर कंपनी 0% ब्याज म लोन देत हावय। उंकर बाद आदित्य बिरला के मैनेजर राजीव अग्रवाल कॉल करके 8,00000/ - रूपिया के लोन के खातिर वन टाईम इन्श्योरेन्स 51000 /- रूपिया के बांड बनवाइस। उंकर बाद लोन रकम 8 लाख ले 20 लाख रूपिया के खातिर आने-आने टेंडेंसी बताके लगभग 7,00,000/- रूपिया आने-आने कंपनी के जइसे भारतीय एक्शा, इंडिया फस्ट, एडल वाईस, फ्यूचर जर्नली अउ रेलीगर के इन्श्योरेन्स दिलाइस।
ओकर बाद कम्पनी के कई लोगन जेमा मैनेजर पंकज गर्ग, हेमंत शुक्ला, राजू अग्रवाल, सुरेन्द्र गोस्वामी अउ आन कई बार इन्श्योरेन्स कराये अउ टेंडेंसी क्लीयर के नाम म रूपिया ट्रांसफर करे ल बोलिस। उंकर झांसा म आके लगभग 29,00,000 /- रूपिया के धोखाधड़ी होइस। शिकायतकर्ता बताइन के ये रकम अपन एसबीआई बैंक खाता अउ एक्सिस बैंक के खाता ले ऑनलाइन ट्रांसफर करे हावय। ये रूपिया AXIS BANK ले पर्सनल लोन अउ IIFL BANK ले होम लोन लेके अउ संगवारी ले कर्जा लेके भरे हावय। थाना धरमजयगढ़ म आरोपी के विरूद्ध धारा 420 IPC के अपराध पंजीबद्ध करके विवेचना म लिस।
पुलिस के टीम स्थानीय पुलिस के संग दबिश दीस। काफी प्रयास के बाद पुलिस युवक अमितेश कीर्ति कमरे म अपन आप ल बंद करके रिहिस अउ अपन लैपटॉप म कुछ बुता करत रिहिस जेकर सचिन ले पहचान कराइस जेन अमितेश कीर्ति ल सिम उपलब्ध कराना बताइन। आरोपी अमितेश कीर्ति ल हिरासत म लेके पूछताछ करे म घटना के खुलासा होइस।
आरोपी अमितेश कीर्ति बताइन के वो ह बीटेक के पढ़ाई करे हावय। लोगन के लोन देवाये के नाम म इंश्योरेंस कराये के झांसा देत रिहिस जबकि लोन के रकम नइ देत रिहिस अइसे कर बर वो ह सचिन के माध्यम ले लेबर किस्म के लोगन के आईडी ले लोगन ले संपर्क करके ओला लोन दे अउ इंशारेंस कराये के नाम म झांसा देत रिहिस।
पुलिस टीम आरोपी अमितेश कीर्ति डहर ले पीड़ित के उपलब्ध कराइन गे दस्तावेज के जांच करत हावय के उंकर डहर ले इंश्योरेंस कराए गे बॉन्ड पेपर सही हावय या नइ। पुलिस आरोपी के मोबाइल चेक करे म पाईस के आरोपी लग्जरियस जीवन जीये के शौकीन रिहिस। उंकर हाल ही म कोच्चील, श्रीनगर टूरिस्ट प्लेस म भ्रमण के तस्वीरें मिले हावय। उंकर मोबाइल म आबू धाबी, चीन यात्रा के बुक फ्लाइट टिकटें मिले हावय। धोखाधड़ी के आरोप म गिरफ्तार ठग मन ल धोखाधड़ी अउ आईटी एक्ट (धारा 420, 34 120-B, 66, 68 D IT Act) म न्यायिक रिमांड बाद जेल दाखिल करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।