महासमुंद। छत्तीसगढ राज्य म ओडिशा ले सरलग अवैध मादक पदार्थ गांजा के आए के आरो म पुलिस अधीक्षक डहर ले सबो थाना/चौकी प्रभारी ल तस्करी करइया के खिलाफ कार्यवाही अउ सघन चेकिंग अभियान बर निर्देशित करे गे रिहिस। इही ओढ़र म मुखबीर ले सूचना मिलिस के कुछ मनखे ओडिसा पदमपुर के तनि ले अवैध मादक पदार्थ गांजा बिक्री बर परिवहन करके छत्तीसगढ राज्य लात हावय। रामजानकी मन्दिर बसना के पास पदमपुर रोड म संदिग्ध गाड़ी के चेकिंग करे गिस। जेमा महिन्द्रा जाईलो म जावेद खान पिता स्माईल खान उमर 26 साल निवासी सरसिंवा वार्ड नं 13 बस स्टैण्ड, सत्यपाल चौहान पिता स्व. धर्मपाल चौहान उमर 22 साल निवासी धोबनी वार्ड नं0 14 चौकी बेलादुला थाना सरसिंवा, हलधर साहू पिता हरिशंकर साहू उमर 27 साल निवासी धोबनी चौकी बेलादुला थाना सरसिंवा, शशी साहू पिता स्व. लक्ष्मण साहू उमर 24 साल वार्ड नं0 07 सरसिंवा थाना सरसिंवा जिला बलौदाबाजार ले पुछताछ करे म ये प्लास्टिक बोरी म गांजा रखना बताये के आरोपी मन के कब्जा ले एक पीले रंग के प्लास्टिक बोरी म भरी होए 09 कि0ग्रा0 मादक पदार्थ गांजा, वाहन महिन्द्रा जाईलो अउ जप्त करके आगू के कार्यवाही करे गिस।
आरोपी मन के विरूद्ध धारा 20(ख), 29 एन0डी0पी0एस0 एक्ट के तहत थाना बसना म कार्यवाही करके आरोपी मनला न्यायिक रिमाण्ड म भेजे गिस। ये सरी कार्यवाही पुलिस अधीक्षक भोजराम पटेल के मार्गदर्शन म अति. पुलिस अधीक्षक श्रीमती मेघा टेम्भुरकर साहू अउ अनु.अधिकारी (पु) सरायपाली विकास पाटले के निर्देशन म थाना प्रभारी कुमारी चन्द्राकर के अगुवई म उप निरी. जितेन्द्र कुमार विजयवार, आर. सूरज निराला, उमेश साहू, हरिश साहू, सैनिक रोहित प्रधान डहर ले जबर बुता करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।