दुर्ग। पुलिस अधीक्षक दुर्ग कोति ले सरलग तेज आवाज बुलेट, मोडिफाईड वाहन, तेज रफ्तार अउ लापरवाहीपूर्वक वाहन चलाये के शिकायत म वाहन चालक ऊपर कार्यवाही के खातिर निर्देशित करे गे हावय जेकर परिपालन म अकताहा पुलिस अधीक्षक, (यातायात) के मार्गदर्शन अउ उप पुलिस अधीक्षक, (यातायात) के अगुवई म गठित सिविल टीम के डहर ले सरलग दुर्ग-भिलाई के अइसे क्षेत्र जिहां ये वाहन चालको डहर ले वाहन चालन करत पाये गे उन म ताबडतोड कार्यवाही करे जात हावय अउ ये वाहन चालक के लायसेंस तको निलंबन करे खातिर परिवहन विभाग ल भेजे जात हावय।
अब तक कुल 377 वाहन चालक के लायसेंस निलंबन के खातिर भेजे गे हावय संग ही जेन वाहन म मोडिफाईड सायलेंसर लगे पाये गे वो वाहन ल यातायात मुख्यालय लान के अइसे सायलेंसर ल निकाले जात हावय अउ सही मानक के सायलेंसर लगाके मोटर व्हीकल एक्ट के तहत कार्यवाही करे हावय। कुछ वाहन चालक नाबालिक तको पाये गिस जेकर परिजन के यातायात कार्यालय बुलाकर कार्यवाही करके समझाईस दीस। यातायात पुलिस दुर्ग डहर ले अवइया दिन म ये अभियान कार्यवाही अऊ सख्त करे जाही।
अपील - यदि तुँहर कोति ले अइसनक रकम के कोनो शिकायत/ सूचना होही त यातायात वाट्सअप नंबर 9479192029 म भेज सकत हव, पुलिस डहर ले लघियात कार्यवाही करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।