छत्तीसगढ़ के अप्रवासी भारतीय अउ प्रदेस के कला, संस्कृति अउ साहित्य ल संजोये खातिर एन.आर.आई. सेल के गठन

रायपुर। राज्य सरकार डहर ले आने-आने देश म निवासरत छत्तीसगढ़ के अप्रवासी भारतीय ल एक सूत्र म जोड़े अउ प्रदेस के कला, संस्कृति अउ साहित्य के संजोए रखे के खातिर एन.आर.आई. सेल के गठन करे गे हावय।

भारतीय मूल के कोरबा निवासी  पल्लव शाह ल एन.आर.आई. सेल के समन्वयक मनोनीत करे गे हावय।  शाह अभी के बेरा म बोस्टन (एम.ए), यू.एस.ए. म निवासरत हावय। एन.आर.आई. सेल के माध्यम ले छत्तीसगढ़ी कला-संस्कृति अउ साहित्य ल संजोए रखे के संग उंकर बड़का प्रचार-प्रसार अउ अप्रवासी भारतीय के संग जीवंत सम्पर्क बनाए रखे अउ राज्य के प्रगति के खातिर अइसे अप्रवासी भारतीय ले सुझाव-सूचना पाये अउ उंकर क्रियान्वयन करे के दिशा म बुता करे जाही।