Raigarh Police : एक दिन म 32 गिरफ्तारी अउ 3 स्थायी वारंट तामिल, पुलिस के बड़का कार्यवाही... अंजोर छत्तीसगढ़ी म पढ़व पूरा खबर

रायगढ़। पुलिस अधीक्षक  अभिषेक मीना के दिशा निर्देशन म सबो थाना क्षेत्र ले गिरफ्तारी अउ स्थाई वारंटी के तामिली के खातिर अभियान चलाये जात हावय। इही ओढ़र म काली 32 गिरफ्तारी अउ 3 स्थाई वारंट तामील करके वारंटी मनला न्यायालय म पेश करे गिस।

वारंट तामिली अभियान म घरघोड़ा थाना प्रभारी निरीक्षक प्रवीण मिंज के अगुवई म 15 गिरफ्तारी वारंट अउ 3 स्थाई वारंट तामील करे  गिस। सारंगढ़ पुलिस डहर ले 8 गिरफ्तारी गिरफ्तारी वारंट के तामिली करे गे  हावय। उहें बिते दिन बरमकेरा पुलिस डहर ले 8 गिरफ्तारी वारंट तामील करके न्यायालय पेश करे गे हावय।

एडिशनल एसपी लखन पटले कोति ले बताये गे हावय के न्यायालय ले मिले समंस, वारंट के तामिली समय म तामिल करके न्यायालय वापस करे जाना जरूरी हावय। थाना, चौकी प्रभारी के ए बुता म बिसेस धियान दे निर्देशित करे गे हावय। बिते दिन एसपी  मीना डहर ले प्रभारी के फरार वारंटी मनके पतासाजी के निर्देश दिये गे हावयं,  जेन आगू तको जारी रइही।