स्वतंत्रता दिवस के आयोजन के तइयारी शुरू

स्वतंत्रता दिवस

रायपुर। मुख्य सचिव अमिताभ जैन ह 15 अगस्त 2022 स्वतंत्रता दिवस म आयोजित होवइया समारोह अउ कार्यक्रम के तइयारी के संबंध म अधिकारी मनके उच्च स्तरीय बइठक लिस। वीडियो कॉन्फ्रेंसिंग के जरिए मंत्रालय म आयोजित ए बइठक म राज्य शासन के सबो विभाग के विभागीय सचिव सामिल होइन। बइठक म मुख्य सचिव ह  अधिकारी मनला सम्बोधित करत निर्देशित करिन के राजधानी सहित सबो जिला  म स्वतंत्रता दिवस राष्ट्रीय परब गरिमापूर्ण तरीका ले मनाये जाही।

मुख्य सचिव ह स्वतंत्रता दिवस म राजधानी रायपुर के पुलिस परेड ग्राउण्ड म आयोजित होवइया राज्य स्तरीय मुख्य समारोह म परेड सहित आन कार्यक्रम के आयोजन के संबंध म अधिकारी मनला जरूरी तइयारी करे अउ समुचित बेवस्था बनाये के निर्देश दिस। मुख्य सचिव ह  अधिकारी मनले किहिन के हर घर तिरंगा अभियान के तहत जिला कलेक्टर मनला झंडा बाटे के संबंध म जरूरी दिशा निर्देश दे जायें। ओमन विभागीय अधिकारी मनला निर्देश दे के अपन अधीनस्थ सबो सरकारी अधिकारी मन अउ कर्मचारी मन के घर म तिरंगा फहरायें। मुख्य सचिव ह कलेक्टर रायपुर ले राजधानी म स्वतंत्रता दिवस समारोह के कार्यक्रम के आयोजन के तइयारी के संबंध म विस्तार ले जानकारी लिस अउ जरूरी निर्देश दिस। मुख्य सचिव ह सामान्य प्रशासन विभाग के सचिव के स्वतंत्रता दिवस मनाये के खातिर जरूरी दिशा-निर्देश सबो विभाग के प्रमुख  अधिकारी मन अउ जिला कलेक्टर मनला लघियात जारी करे के निर्देश दिस।