डॉ.खूबचंद बघेल छत्तीसगढ़िया स्वाभिमान ल जगाये अउ छत्तीसगढ़ के संस्कृति के आगू बढ़इया नेता रिहिस : मुख्यमंत्री भूपेश बघेल

डॉ.खूबचंद बघेल

रायपुर। मुख्यमंत्री ह डॉ. खूबचंद बघेल के प्रतिमा म माल्यार्पण करके ओला दीस श्रद्धांजलि दीस। ये मउका म ओमन किहिन हावय के डॉ.खूबचंद बघेल छत्तीसगढ़िया स्वाभिमान के जगाये अउ छत्तीसगढ़ के संस्कृति ल आगू बढ़इया अग्रणी नेता रिहिस। छत्तीसगढ़ के खान पान, रहन-सहन, बोली, भाषा के ऊपर उठाये म हमर जेन महापुरुष ह योगदान दे, ओमा डॉ. खूबचन्द बघेल सदैव अग्रणी रिहिन। ओमन जीवनभर किसान मन, आदिवासी मन के हित के रक्षा अउ उंकर उत्थान के खातिर संघर्ष करिन।

खूबचंद बघेल जयंती समारोह के आयोजन फूल चौक स्थित व्यावसायिक परिसर म करे गिस। जेमा डॉ. खूबचंद बघेल के प्रतिमा म माल्यार्पण करके ओला श्रद्धांजलि अर्पित करिस। संसदीय सचिव  विकास उपाध्याय, महापौर रायपुर  एजाज ढेबर, छत्तीसगढ़ मनवा कुर्मी क्षत्रिय समाज के केंद्रीय अध्यक्ष  चोवाराम वर्मा, पहिली राज्यसभा सदस्य श्रीमती छाया वर्मा सहित समाज संग के केऊ पदाधिकारी उपस्थित रिहिस।

मुख्यमंत्री ह किहिन के छत्तीसगढ़ सरकार डहर ले डॉ. बघेल के नाम म डॉ. खूबचन्द बघेल स्वास्थ्य सहायता योजना संचालित करे जात हावय। जेकर ले प्रदेस के 65 लाख परिवार स्वास्थ्य लाभ ले सकत हावयं। अब तक 18 लाख परिवार ह ए योजना के लाभ उठाये हावय। ए योजना म गरीब परिवार के इलाज के खातिर 5 लाख रूपिया तक के मदद दे के प्रावधान हावय। छत्तीसगढ़ मनवा कुर्मी क्षत्रिय समाज के केंद्रीय अध्यक्ष  चोवाराम वर्मा ह कार्यक्रम के अध्यक्षता करत डॉ. खूबचंद बघेल के व्यक्तित्व अउ कृतित्व म प्रकाश डालिस।