खराब सड़क के मरम्मत करही एजेंसी, नइ त लगही पेनल्टी

अंजोर.कोरिया, मुख्यमंत्री सुगम सड़क योजना ले हाई स्कूल भवन बंजी पहुंच रद्दा के जरूरी मरम्मत के खातिर ईई पीडब्ल्यूडी ह संबंधित एजेंसी ल कड़े निर्देश जारी करे हावयं। पहुंच रद्दा के गुणवत्ता म लापरवाही के जानकारी संज्ञान म आते ही कलेक्टर कुलदीप शर्मा ह कार्यपालन अभियंता लोकनिर्माण विभाग के निरीक्षण करके लघियात कार्यवाही के निर्देश दे रिहिस जेकर परिपालन म ईई पीडब्ल्यूडी ह बंजी पहुंचके निरीक्षण करिन। निरीक्षण के बखत बनाये म लापरवाही परिलक्षित होए म ईई ह संबंधित एजेंसी ल पाती जारी करके अविलंब रद्दा के जरूरी मरम्मत बुता करे जाना सुनिश्चित करे के कड़ा निर्देश दे हावयं। येकर संग ही पाती म ये तको किहिन हावय के काम समय म नी करे जाये म पेनल्टी के कार्यवाही तको के जाही।