अंजोर.रायपुर। इंदिरा गांधी कृषि विश्वविद्यालय ले सरकारी अउ निजी कॉलेज मन म संचालित बी.टेक. कृषि अभियांत्रिकी अउ बी.टेक. खाद्य प्रौद्योगिकी पाठ्यक्रम म शैक्षणिक सत्र 2022-23 म दाखिला बर ऑनलाईन काऊंसिलिंग प्रक्रिया सोमवार 25 जुलाई ले सुरू होही। बी.टेक. स्नातक पाठ्यक्रम म प्रवेश बर इच्छुक आवेदन करइया काऊंसिलिंग प्रक्रिया म भाग ले के खातिर 25 जुलाई ले 15 अगस्त 2022 तक विश्वविद्यालय के वेबसाईट www.igkv.ac.in म आवेदन करके सकत हावयं।
काऊंसिलिंग म सामिल होए के खातिर दिशा-निर्देश अउ समय सारिणी विश्वविद्यालय के वेबसाईट म उपलब्ध हावय। काउंसिलिंग म भाग ले बर आवेदन करइया के 25 जुलाई ले 15 अगस्त (रात्रि 12 बजे) के बीच ऑनलाइन पंजीयन करे अउ दस्तावेज अपलोड करे होही। 23 अगस्त, 2022 के पी.ई.टी.-2022 के प्रावीण्य सूची के आधार म अभ्यर्थी ल सीट अउ कॉलेज के आबंटन करिन जाही। आवेदन करइया के 24 ले 27 अगस्त के बीच दस्तावेज परीक्षण बर स्वामी विवेकानंद कृषि अभियांत्रिकी अउ प्रौद्योगिकी कॉलेज रायपुर म उपस्थित होना होही। आबंटित प्रोविजनल सीट के सुरक्षित करे बर आवेदन करइया के 24 ले 28 अगस्त के बीच ऑनलाइन फीस जमा करे अनिवार्य होही।
सीट आबंटन के पाछु यदि आवेदन करइया कोनो सेती ले सीट सुरक्षित नइ करके पाता हावय अउ अवइया चरण के काउंसिलिंग म भाग लेना चाहत हावय त ए बर ऑनलाइन आवेदन 24 ले 28 अगस्त के बीच करना होही। आवेदन करइया यदि सीट सुरक्षित करे के पाछु सीट के निरस्त करे चाहत हावय अउ आगू के कोनो तको प्रक्रिया म भाग नइ लेना चाहत हावय त 24 ले 28 अगस्त के बीच सीट निरस्त करे होही। ऑटो अपग्रेडेशन अउ वर्ग कन्वर्शन के सीट के आबंटन 31 अगस्त ले 1 सितम्बर के बीच करिन जाही। ऑटो अपग्रेडेशन अउ वर्ग कन्वर्शन के पाछु आबंटित अउ खाली सीट के जानकारी 4 सितम्बर, 2022 के उपलब्ध कराये जाही। दूसरइया चरण के काउंसिलिंग 09 ले 20 सितम्बर, 2022 तक आयोजित के जाही अउ स्पॉट अउ कन्वर्शन के आखरी चरण के काउंसिलिंग 23 ले 26 सितम्बर 2022 तक आयोजित के जाही। इच्छुक आवेदन करइया काउंसिलिंग संबंधित दिशा-निर्देशों के जादा जानकारी बर विश्वविद्यालय के वेबसाईट www.igkv.ac.in के अवलोकन कर सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।