- भोजपुरी फिलिम सौदागर ओतका सफल नहीं, जतका छत्तीसगढ़ी म ‘हंस झन पगली फंस जबे’ रहिस
- सतीश जैन ह रीमेक म मन कुरैशी ल बाहिर करके ऋषभ कश्यप गोलू ल काबर लीस
- अनिकृति चौहान के पहिली भोजपुरी फिलिम सौदागर नइ चलीस
- भोजपुरी फिलिम स्टोरी ले कहूं जादा गाना ले हिट होवत हावय, सौदागर के गीत-संगीत नइ भाइस
सिनेमा। भोजपुरी फिलिम सौदागर यूपी, बिहार सहित उत्तर भारत अउ मुंबई म 10 जून ले प्रदर्शित के गे। फिलिम के ट्रेलर 27 मई ले सोशल मीडिया म धमाल मचा रिहिन हावय। ए फिलिम के निर्देशन करे हावय सतीश जैन, येकर ले पहिली वो निरहुआ हिन्दुस्तानी, निरहुआ रिक्सावाला 2 जइसे कई भोजपुरी अउ छत्तीसगढ़ी फिलिम बना चुके हावयं। छॉलीवुड म सतीश जैन फिलिम के सफलता के गारंटी हावय उंकर छइंहा भुइया, मया, टूरा रिक्शवाला, झन भूलव मां बात ल, लैला टिपटाप छैला अंगुठाछाप, हंस झन पगली फंस जबे, चल हट कोनो देख लिही तको सफल रही। बताइन जात हावय के सौदागर छत्तीसगढ़ी फिलिम हंस झन पंगली फंस जबे के भोजपुरी रीमेक हावय। हंस झन पंगली फंस जबे छत्तीसगढ़ी म काफी सफल रिहिन। छत्तीसगढ़ म सबले जादा कमाई करे वाला सुपरहिट फिलिम हंस झन पंगली फंस जबे के भोजपुरी म सौदागर के नाम ले बनाये गे हावय।
मशहूर फिलिम समीक्षक जयंत साहू कहत हावय के आंचलिक फिलिम के सफलता म गीत-संगीत अउ स्थानीय चेहरों के काफी अहमियत हावय। हंस झन पंगली फंस जबे के सफल होए के एक बड़का सेती गीत-संगीत रिहिस। सतीश जैन के निर्देशन के तको बेहतरीन होथे हावय एमे कोनो दू मत नहीं, हर फिलिम वो शिद्दत ले बनाते हावयं। फेर भोजपुरी फिलिम सौदागर के लेके सिनेमाघर के भीड़ के देखे त निराशाजनक हावय। फिलिम अभी तको कुछ सिनेमाघर म चल रही हावय, अइसे म असफल कहना तको उचित नहीं। बहरहाल कहानी अउ अदाकारी त कमाल के हावय, छत्तीसगढ़ी देखइया तको भोजपुरी फिलिम के आनंद ले सकत हावय। गीत-संगीत म थोकिन अउ मेहनत ले ये तको हंस झन पंगली फंस जबे जतका कमाई कर सकत।
सौदागर अनिकृति चौहान के पहिली भोजपुरी फिलिम हावय। अनिकृति ह छॉलीवुड के कई सफल फिलिम दीस हावय जेमा प्रेम सुमन, आये हम बराती, दांव, ले चल नदिया के पार, जागो रे, राधे अंगुठा छाप, प्रेम अमर हे, हंस झन पगली फंस जबे, आये लब यू, तै मोर लव स्टोरी, डार्लिंग प्यार झुकता नहीं, मैं दे तै मोर बाती, चल हट कोनो देख लिही म उंकर अदाकारी के खूब पंसद करे गिस। अनिकृति चौहान हंस झन पंगली फंस जबे म बहुत ही खूबसूरत नजर आयी रिहिस, उंकर रेड साड़ी पोज काफी लोकप्रिय होइस रिहिस। वइसने अन्नी रेड साड़ी म कमाल के दिखती हावय, पारंपरिक परिधानों म पारिवरिक कहानी उंकर खासियत हावय। भोजपुरी फिलिम सौदागर म तको उंकर सीन के उही अंदाज म देखाये गे रिहिस जइसे छत्तीसगढ़ी फिलिम म रिहिस। फेर उत्तर भारत अउ छत्तीसगढ़ के लोक संस्कृति म काफी अंतर हावय। भोजपुरी के लिये कहानी तको उही पृष्ठ भूमि ले हो त ही सफलता पायी जा सकत हावय।
फिल्म सौदागर म सतीश जैन ह हीरो के छोड़कर कई प्रमुख कलाकार मन के रिपिट करिन हावय। अनिकृति चौहान, रजनीश झांझी, पुष्पेंद्र सिंह, रवि साहू, क्राति दीक्षित उक के दमदार अदाकारी हावय। रजनीश अउ पुष्पेंद्र सिंह भोजपुरी म कई फिलिम करके चुके हावयं। सतीश जैन नायक के रूप म अनिकृति चौहान के संग भोजपुरिया स्टार ऋषभ कश्यप 'गोलू' के लेके भोजपुरियंस के लुभाने के भरसक कोशिश हावय।
- भोजपुरी फिल्म- सौदागर
- स्टारकास्ट - ऋषभ कश्यप ‘गोलू’, अनिकृति चौहान, रजनीश झांजी, पुष्पेंद्र सिंह, रवि साहू, प्रकाश जायस आदि।
- बैनर - इंडिया ई-कॉमर्स लिमिटेड
- निर्माता - अनिल काबरा
- निर्देशक - सतीश जैन
- सह-निर्माता - पप्पू भाई, राजेश एस. सिंह
- संगीत निर्देशक - राजेश झा
- गीतकार - यादव राज, आजाद सिंह
- डीओपी - तोरण राजपूत
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।