राष्ट्रीय पोषण अभियान ले महिला अउ बाल विकास विभाग डहर ले जिला के आंगनबाड़ी केन्द्र म वजन तिहार 11 जुलाई ले 23 जुलाई 2022 के आयोजन करे जाही। ए बखत सरी जिला के आंगनबाड़ी केन्द्र डहर ले लगभग 80 हजार लइका के वजन अउ उंचाई के माप करे जाही। आयोजन प्रक्रिया ले केन्द्रवार निरीक्षण केन्द्र दल के गठन करे जाही। जेमा आंगनबाड़ी कार्यकर्ता संयोजक के रूप म बुता करत स्थानीय मितानीन, पंच, स्थानीय स्कूल शिक्षक, आन गणमान्य मनखे सामिल होही। महिला अउ बाल विकास विभाग डहर ले सबोच गांव म आंगनबाड़ी कार्यकर्ता के माध्यम ले पालक ल आमंत्रित करे के करार तिथि म वजन कराये अउ पोषण स्तर के जानकारी दे जाही। वजन ले के कार्यक्रम कलस्टर स्तर म करे जाही।
वजन तिहार आयोजन के मुख्य उद्देश्य
वजन तिहार आयोजन के मुख्य उद्देश्य महिला अउ बाल विकास विभाग के कार्यक्रम अधिकारी ह बताइन के कुपोषण के प्रति समुदाय के जागरूक करना, सबोच परिवार के उंकर लइका के चिन्हित करके कुपोषण के सही स्थिति के पता लगाना, कुपोषण के सही स्थिति के जानके सबोच बच्चा के जानकारी सॉफ्टवेयर म दर्ज करके राज्य म कुपोषित लइका के स्थिति के डाटाबेस तइयार करना। राज्य के सबोच केन्द्र, गांव पंचायत, विकासखंड म कुपोषण के अभी के बेरा स्थिति के समीक्षा करत कुपोषण कम करे के कार्ययोजना तइयार करे जाना। क्षेत्र विशेष, वर्ग बिसेस म कुपोषण के पहचान करे जेकर ले ये तको साफ हो सके के किन ठऊर मन म अउ किन कारन ले कुपोषण जादा हावय ताकि उंकर खातिर विशिष्ठ कार्ययोजना बनाये जा सके। कुपोषण के रोकथाम के खातिर संचालित योजना मन के क्रियान्वयन बर बेसलाईन सर्वे अउ लक्षित लइका के चिन्हांकन करना।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।