स्वास्थ्य मंत्री श्री टी.एस. सिंहदेव ह सुपेबेड़ा म प्राथमिक स्वास्थ्य केन्द्र के करिन भूमिपूजन

सुपेबेड़ा म प्राथमिक स्वास्थ्य केन्द्र

महासमुंद। पंचायत अउ ग्रामीण विकास अउ स्वास्थ्य मंत्री टी.एस. सिंहदेव ह सुपेबेड़ा म 62 लाख रूपिया के लागत ले बनइया प्राथमिक स्वास्थ्य केन्द्र के भूमिपूजन करिन। ओमन सुपेबेड़ा म संचालित वैकल्पिक प्राथमिक स्वास्थ्य केन्द्र के निरीक्षण तको करिन। ओमन केंद्र म उपलब्ध दवाई अउ आन सुविधा के अवलोकन करके प्रभारी डॉक्टर अउ स्टॉफ के लोगन ल बढि़या चिकित्सा सुविधा उपलब्ध कराये के निर्देश दिस। स्वास्थ्य मंत्री सिंहदेव ह सुपेबेड़ा म किडनी के बीमारी ले प्रभावित लोगन के समस्या सुनिस अउ उंकर हाल जानिस।

पंचायत अउ ग्रामीण विकास अउ स्वास्थ्य मंत्री टी.एस. सिंहदेव सुपेबेड़ा म किहिन के शासन के कोशिश ले स्थिति म सुधार आये हावय। प्रदेस के आन गांव कस जल जीवन मिशन योजना ले सुपेबेड़ा म तको शुद्ध पेयजल उपलब्ध कराये जाही। ए योजना के तहत राज्य के सबो गांव म अवइया तीन साल के भीतर शुद्ध पेयजल के बेवस्था करे जाही।ओमन गांव वाला ल भरोसा दिलाइस के सुपेबेड़ा के लोगन के हाल जाने बर आने वाला दिन म तको उहां आते रइही।