 |
| Panchayat by election 2022 |
रायपुर। त्रिस्तरीय पंचायत उप निर्वाचन-2022 खातिर 3 जून के जिला म निर्वाचन के सूचना के प्रकाशन के संग ही आवेदन करइया डहर ले नामांकन भरे के शुरूआत होगे हावय। छत्तीसगढ़ राज्य निर्वाचन आयोग ले मिले जानकारी के मुताबिक प्रदेस के 28 जिला म 4 जून तक सरपंच पद के खातिर 1 अउ पंच पद के खातिर 7 आवेदन करइया डहर ले नामांकन दाखिल करे गिस।
जानबा हो के प्रदेस के 28 जिला म त्रिस्तरीय पंचायत उप निर्वाचन के तहत जनपद सदस्य के 06 पद, सरपंच के 108 पद अउ पंच के 631 खाली पद के खातिर नामांकन के प्रक्रिया चलत हावय। नामनिर्देशन करे के आखरी तिथि 09 जून 2022 गुरूवार मंझनिया 03 बजे तक करार हावय। 4 जून तक बलरामपुर जिला म पंच अउ सरपंच के खातिर 1-1 अउ कोरिया, रायपुर, महासमुंद, दुर्ग, राजनांदगांव अउ दंतेवाड़ा जिला म पंच के खातिर 1-1 आवेदन करइया डहर ले नामांकन दाखिल करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।