इंडिया फर्स्ट टेक स्टार्टअप कॉनक्लेव म छत्तीसगढ़ ल चार स्टार्टअप ल मिलिस अवार्ड

Startup Award to Chhattisgarh at India First Tech Startup Conclave

इंडिया फर्स्ट टेक स्टार्टअप कॉनक्लेव बेंगलुरू म छत्तीसगढ़ राज्य के स्टार्टअप ह शानदार प्रदर्शन करत आने-आने 4 केटेगरी म बेस्ट स्टार्टअप के अवार्ड पाये हावय। मुख्यमंत्री भूपेश बघेल अउ उद्योग मंत्री कवासी लखमा ह राज्य ल अवार्ड पवइया सबो स्टार्टअप कम्पनी अउ उद्योग विभाग के  अधिकारी मनला बधाई अउ सुभकामना दीस हावय। जानबा होवय के स्टार्टअप कम्पनी ल प्रोत्साहित करे के खातिर पाछु 8 अउ 9 जून के ऑल इंडिया काउंसिल फॉर रोबोटिक्स एंड ऑटोमेशन डहर ले बेंगलुरू म ए कॉनक्लेव के आयोजन करे गिस।

उद्योग विभाग ले मिले जानकारी के मुताबिक बेंगलुरू म आयोजित कॉनक्लेव म छत्तीसगढ़ के स्टार्टअप के इमोबिलिटी वर्ग म स्मार्ट यात्री प्राइवेट लिमिटेड, महिला वर्ग म ग्रीनफील्ड इकोसोल्यूशंस प्राइवेट लिमिटेड, एग्रीटेक वर्ग म सिद्धार्थ एग्रो मार्केटिंग एंड लॉजिस्टिक्स प्राइवेट लिमिटेड अउ ब्लॉकचेन टेक्नोलॉजी वर्ग म प्रॉमिनेंट इनोवेशन लैब प्राइवेट लिमिटेड के बेस्ट स्टार्टअप के अवार्ड दे करे गिस।

स्टार्टअप इनक्यूबेशन बर इंदिरा गांधी कृषि विश्वविद्यालय - रबी के सर्वश्रेष्ठ इनक्यूबेशन सेंटर के रूप म सम्मानित करे गिस। कॉनक्लेव म वाणिज्य अउ उद्योग विभाग छत्तीसगढ़ शासन के तनि ले समिलहा संचालक, संजय गजघाटे ह छत्तीसगढ़ राज्य म स्टार्टअप इकोसिस्टम अउ विभाग डहर ले दे जात आने-आने अनुदान के विषय म विस्ता्र ले जानकारी दीस अउ निवेशक के राज्य म स्टार्टअप स्थापित अउ निवेश बर आमंत्रित करिन। जानबा होवय के ए कॉनक्लेव म छत्तीसगढ़ ले 12 स्टार्टअप कम्पनी ह अपन भागीदारी दीस।