 |
| Raigarh Police |
अंजोर. रायगढ,ए। शहर म मोटर साइकल चोरी म अंकुश लगाये खातिर रायगढ़ एसपी अभिषेक मीणा डहर ले सबो थाना, चौकी प्रभारी के पाछु 5 साल म चोरी, नकबजनी, लूट, मोटरसाइकिल चोरी मामला म जेल ले छूटे आरोपी मन म निगाह रख करके कार्यवाही के खातिर दिशा-निर्देश दिये गे हावयं। जेन म पुसौर थाना प्रभारी गिरधारी साव डहर ले पुलिस अधीक्षक के दिशा निर्देशन अउ एडिशनल एसपी लखन पटले अउ सुपर विजन अधिकारी एडिशनल एसपी (ट्रैफिक) माहेश्वर नाग के मार्गदर्शन म जेल ले रिहा होए आरोपी मन के सूची लेके थाना के विवेचक मनके टीम बनाके पुसौर, चक्रधरनगर, जूटमिल, कोतरारोड़, कोतवाली क्षेत्र म निवासरत आरोपी मन म निगाह रखे जात रिहिस।
इही दरम्यान थाना प्रभारी पुसौर उपनिरीक्षक गिरधारी साव के मुखबिर ले सूचना मिले के साइकल चोरी म चालान होइस गांव औरदा के नकुल साहू के सुपर एक्सएल मोटरसाइकिल गजब कम दाम म बिक्री के खातिर कुछ लोगन ले गोठबात करत सुनिस, जेन म थाना प्रभारी अपन स्टाफ के नकुल साहू म नजर रखे के हिदायत दीस। स्टाफ निगाह रखे रिहिस जेकर मकान म चोरी के मोटरसाइकिल छिपा करके रखे के जानकारी मिले के बिहनिया पुलिस टीम योजनाबद्ध तरीका ले नकुल साहू के हिरासत म लेके मोटरसाइकिल चोरी के संबंध म पूछताछ करे म रायगढ़ इतवारी बाजार, डबरा बाजार, रायगढ़ संजय मार्केट, भुक्ता उड़ीसा बाजार, सरिया बाजार, मुरा बाजार, तमनार बाजार ले चोरी करके कुल 20 नग एक्सएल सुपर मोटरसाइकिल के घर के अंदर छिपाके रखना बताइन।
आरोपी के मेमोरेंडम म 20 नग सुपर एक्सएल मोटरसाइकिल कीमत करीब 5 लाख के जप्त करके आरोपी नकुल साहू पिता स्व. गोपीनाथ साहू उमर 52 साल निवासी औरदा थाना पुसौर म धारा 41(1+4)CrPC/ 379 IPC के कार्यवाही करके आरोपी के रिमांड म भेजा गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।