 |
| High School and Higher Secondary Academic Session 2022-23 Recognition |
रायपुर! छत्तीसगढ़ माध्यमिक शिक्षा मंडल के हाईस्कूल अउ हायर सेकण्डरी शैक्षणिक सत्र 2022-23 के खातिर 89 अशासकीय स्कूल ल नवा मान्यता बर आवेदन पाती मिले रिहिस। मान्यता समिति डहर ले ए म विचार करत नवा मान्यता बर मिले 89 प्रकरण म ले परीक्षण बाद 42 स्कूल ल हाईस्कूल अउ हायर सेकण्डरी शैक्षणिक सत्र 2022-23 के खातिर नवा मान्यता दे के फइसला लिस।
छत्तीसगढ़ माध्यमिक शिक्षा मंडल ह 42 संस्था मन के कुछ अइसे कमी जेन पूरा के जा सकत हावयं, ये कमी के पूर्ति बर 25 जुलाई 2022 तक समय दिये जाये के फइसला लिस। ए करार तिथि तक त्रुटिपूर्ति करे वाला संस्था मन के मान्यता दिये जाये बर गुण-दोष के आधार म विचार करे जाही। बांचे 03 संस्था मन के मान्यता के मापदण्ड के पूर्ति नइ करे जाये के सेती अमान्य करे जाये अउ एक संस्था के निरीक्षण कराए जाये अउ एक संस्था के प्रकरण सत्र 2023-24 बर विचार करे जाये के फइसला लिस।
येकर सूची मण्डल के वेबसाइट www.cgbse.nic.in म उपलब्ध हावय। अइसे संस्था मन जेला जेन परीक्षा के खातिर नवा मान्यता दे करे गे हावय, उन कक्षा म वो मण्डल नियमानुसार प्रवेश दे सकत हावयं। बांचे संस्था (त्रुटि पूर्ति, अमान्य अउ अन्य) अभी नवा प्रवेश नइ दे सकही, यदि वो नवा प्रवेश देत हावयं त येकर सरी जिम्मेदारी संस्था प्रमुख के होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।