हमर लैब म बीपीएल कार्डधारी मरीज खातिर एक्सरे अउ आन जांच होही फोकट म

BPL card holder patients Free X-ray and other tests

दुर्ग। जिला अस्पताल म संचालित हमर लैब म बीपीएल कार्डधारी मरीज मनके खातिर एक्सरे अउ आन जांच पूरा रकम ले फोकट म होही। जीवनदीप समिति के ले कार्यरत कर्मचारी मनके मानदेय म पांच परतिसत के बड़वार करे जाही। ये फइसला कलेक्टर डा. सर्वेश्वर नरेंद्र भुरे के अध्यक्षता म होए बइठक म लिस। बइठक म जिला अस्पताल परिसर म अतिक्रमण के हटाये संबंधी फइसला तको लिस। संग ही परिसर म अवैध रूप ले खड़े करे जाये वाला प्राइवेट एंबुलेंस ज तको हटाये जाये के फइसला लिस। अस्पताल के जेन डाटा एंट्री आपरेटर के बुता संतोषजनक नइ हावय ओला हटाये जाये के कार्रवाई करे जाही। बइठक म जीवनदीप समिति के सदस्य मन ह जिला अस्पताल परिसर म पुलिस चौकी स्थापित करे के सुझाव दीस।

सदस्य मन ह किहिन के कुछ बड़े शहर के जिला अस्पताल मन म चौकी अस्पताल परिसर म ही हावय जेकर ले पुलिस ले संपर्क करे म काफी दिक्कत दूरिहा हो जात हावयं। बइठक म ईसीजी के सुविधा लोगन ल दे खातिर प्रशिक्षित स्टाफ नर्स के माध्यम ले या जीवनदीप समिति म कोनो कर्मचारी के मानदेय म रखे के फइसला लिस। बइठक म सदस्य मन ह अस्पताल के जरूरत के मुताबिक अत्याधुनिक उपकरण के माँग रखीस। कलेक्टर ह किहिन के अस्पताल के जरूरत के पूरा करे खातिर जीवनदीप समिति के सरलग अपन आर्थिक संसाधन के मजबूत करना होही।

ओमन किहिन के जतका पंचिंग बढ़ेही, अस्पताल के आय ओतका ही बढ़ेही। येकर खातिर अस्पताल प्रशासन ल सरलग धियान देना होही के इंडोर बढ़े। ओमन किहिन के येकर सरलग मानिटरिंग करे जाये ले अस्पताल के आय म अच्छा खासा इजाफा होही अउ येकर ले अस्पताल म नवाचार करे जा सकही।  कलेक्टर ह पिछला बइठक के निर्णय म होए कार्रवाई के जानकारी तको लिस। ओमन एमसीएच बिल्डिंग म पानी के दिक्कत के बारे म पूछिस।  अधिकारी मन बताइन के पानी के दिक्कत दूरिहा हो गे हावय, अमृत मिशन ले मुख्य टंकी के पाइप लाइन ले जोड़ दे हावय जेकर ले 24 घंटा पानी के आपूर्ति होत हावय। लिफ्ट तको चालू कर दे गे हावय अउ काऊ कैचर बनाये हावय।