छत्तीसगढ़ी फिल्म ‘काली’ के फस्ट लूक, अभिनेत्री सोनाली सहारे मां काली के रूप म नजर आही

सिनेमा। छत्तीसगढ़ी फिल्म काली के फस्ट लूक बिलासा छोलीवुड फिल्म फेयर अवार्ड कार्यक्रम म लांच करे गिस। व्हाइट फॉक्स फिल्मि बैनर तले बने फिलिम ‘काली’ के पहिली पोस्टर के विमोचन बिलासपुर शहर विधायक शैलेश पांडेय, सुप्रसिद्ध जसगीत गायक डॉ. दिलीप षड़ंगी के हाथ ले होइस। ये मउका म निर्माता इरशाद कुरैशी, संवाद पटकथा लेखक जय जायसवाल, राजेन्द्र जायसवाल, तेजेश्वर, संगीतकार डीपी विश्वकर्मा, संपादन दरस विश्वकर्मा के अलावा अजय पटेल, इशिका यादव, सलीम खान तको उपस्थित रिहिस।

व्हाइट फॉक्स फिल्म् बैनर तले बने फिलिम काली अबतक के बने छॉलीवुड मूवी म सबसे अलग अंदाज म हावय। दर्शक मन पोस्टर अउ नाम ले ही फिलिम ल देखे बर खासे उत्साहित हावय। जइसे के नाम से फिल्म अपन कहानी बयां करत हाबे, दर्शक के भीड़ सिनेमाघर तक जरूर आही। अभी छत्तीसगढ़ी सिनेमा म जतेक भी फिलिम आवत हाबे सबो लव अउ रोमांस देखावत हाबे, अइसन म भक्तिमय ये फिलिम दर्शक मनला काफी पसंद आही।