 |
| बालवाड़ी कार्यक्रम |
अंजोर.रायपुर,27 मई। छत्तीसगढ़ म मुख्यमंत्री भूपेश बघेल डहर ले घोसित बालवाड़ी कार्यक्रम के क्रियान्वयन इही सत्र ले करे जाही। येकर खातिर 15 जून तक आंगनबाड़ी कार्यकर्ता अउ बालवाड़ी के शिक्षक मनला प्रशिक्षण दे जाही। स्कूल शिक्षा विभाग के बिसेस सचिव अउ एससीईआरटी के संचालक राजेश सिंह राणा ह आज राज्य शैक्षिक अनुसंधान अउ प्रशिक्षण परिषद (एससीईआरटी) म कार्यशाला के उद्घाटन सत्र ल सम्बोधित करत जानकारी दीस।
राणा ह किहिन के लइका ल हम स्थानीय परिवेश म कइसे बढि़या ढंग ले सिखा सकत हावन, एक विषय विशेषज्ञ के रूप म नवा शिक्षा नीति म 5 ले 6 साल के लइका के व्यावहारिक शिक्षा दे जाही। ये कार्यक्रम महिला बाल विकास विभाग अउ स्कूल शिक्षा विभाग के समन्वय ले सफल होही। टास्क फोर्स कमेटी म ये फइसला ले हावय के बालवाड़ी कार्यक्रम के संचालन आंगनबाड़ी म करे जाही।
राणा ह किहिन के देश के ख्याति पाये विषय विशेषज्ञ के उपस्थिति म दू दिवसीय कार्यशाला म दे गे सुझाव के मुताबिक अइसे सामान तइयार के जात हावय। जेन बालवाड़ी के लइका के खातिर व्यवहारिक होही। तीन दिन तक ये बताये जाही के ए योजना के कइसे क्रियान्वित करे।
अतिरिक्त संचालक डॉ योगेश शिवहरे ह क्रियान्वयन खातिर टास्क फोर्स के फइसला के बारे म बताइन। ओमन किहिन के लइका ल कोन रकम ले बालवाड़ी तक लाये जाए अउ एला इतना आकर्षक बनाये जाए के लइका ल 21 वी सदी खातिर तइयार करे जा सके। लइका ल इहां सही दिशा म स्वाभाविक सीखे के मउका जरूर मिले। एससीईआरटी डहर ले बालवाड़ी कार्यक्रम के क्रियान्वयन बर आयोजित कार्यशाला म स्रोत मनखे मन सहित सबोच जिला ले महिला बाल विकास विभाग के दू सुपरवाइजर अउ समग्र शिक्षा के एपीसी अउ डाइट के प्रतिनिधि उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।