विशेष अभियान चलाके पढ़ईया मनके स्कूल म ही स्थायी जाति, निवास प्रमाण-पत्र बनाये के निर्देश

अंजोर.रायपुर, 26 मई। राज्य शासन डहर ले बिसेस अभियान के तहत शिविर आयोजित करके करार समय-बद्ध कार्यक्रम के मुताबिक पढ़ईया मन के स्कूल म ही स्थाई जाति, निवास प्रमाण-पत्र तइयार करके वितरीत करे के निर्देश दे गे हावयं। ए आशय के पाती मंत्रालय महानदी भवन स्थित सामान्य प्रशासन विभाग डहर ले प्रदेस के सबो कलेक्टर मन के जारी कर दे हावय।

पत्र म ये बात धियान म लाई गे हावय के प्रदेस के आने-आने जिला  के स्कूल म पढ़त अनुसूचित जाति, जनजाति अउ आन पिछड़ा वर्ग के पढ़इया लइका-पढ़इया लइका के जाति परमान पाती अउ निवास परमान पाती समय म मिले म परसानी होत हावय। जेकर सेती ये वर्ग के पढ़ईया मन के उच्च कक्षा/शिक्षा अउ सरकारी सेवा म नियुक्ति के खातिर आवेदन भरे अउ मिले म दिक्कत होत हावय।

ए संबंध म प्रदेस के सबो शासकीय-निजी स्कूल अउ केन्द्रीय बोर्ड के स्कूल म कक्षा छठवीं ले बाहरवीं तक पढ़त अनुसूचित जाति, जनजाति अउ आन पिछड़ा वर्ग के पढ़ईया मन के जाति अउ निवास प्रमाण-पत्र उपलब्ध कराये के खातिर उंकर स्कूल म पढ़त होए के बखत ही बिसेस अभियान के तहत जाति निवास परमान पाती तइयार करके स्कूल म ही वितरीत करे ल किहिन हावय।