अंजोर.रायपुर, 4 मई। भेंट-मुलाकात अभियान म सबो 90 विधानसभा क्षेत्र म जाही मुख्यमंत्री श्री भूपेश बघेल राजधानी रायपुर के पुलिस लाइंस हेलीपेड ले प्रदेस के सबो विधानसभा क्षेत्र म आमजनता, जनप्रतिनिधी मन अउ समाज प्रमुख ले ‘भेंट-मुलाकात’ के अभियान म रवाना होगे। मुख्यमंत्री ए अभियान के शुरूआत सरगुजा संभाग के बलरामपुर जिला ले करिन। श्री बघेल के पहिली पड़ाव सामरी विधानसभा क्षेत्र म होही। मुख्यमंत्री आज बलरामपुर जिला के सामरी विधानसभा क्षेत्र म कुसमी, शंकरगढ़ गांव म पहुचके अउ रात विश्राम राजपुर म करही।
मुख्यमंत्री श्री बघेल ह रवाना होए ले पहिली मीडिया प्रतिनिधि मन ले गोठबात करत किहिन के कोरोना के सेती एक लंबा समय ले लोगन के बीच जा नइ पाए रिहिस, हालंकि पाछु साल सामाजिक संगठन मन के बइठक म सामिल होए के मउका मिले रिहिस। भ्रमण के बखत सरकारी योजना मन के धरातल म स्थिति के जानकारी लूंगू। ओमन किहिन के आम जनता ले अउ जनप्रतिनिधी मन ले मिले ले योजना मन के बारे म जानकारी मिलथे, का संशोधन होना चाही, का जुड़ना चाही, येकर जानकारी मिलथे।
भ्रमण के बखत गांव म होवत अच्छा बुता के संग उहां के समस्या के बारे म तको जानकारी मिलही। मोर कोशिश होही के मैं जादा ले जादा समय लोगन के संग बितावं। ओमन किहिन के भ्रमण के बखत वो पीडीएस दुकान, पंचायत कार्यालय, आंगनबाड़ी, स्वास्थ्य केन्द्र, थाना, स्वामी आत्मानंद अंग्रेजी माध्यम स्कूल, नगर पंचायत के दफ्तर जाही। ओमन बताइन के जिला के प्रभारी मंत्री अउ क्षेत्र के विधायक तको भ्रमण के बखत उंकर संग होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।