मुख्यमंत्री भूपेश बघेल एक मई के 'मुख्यमंत्री मितान योजना’ के करही शुभारंभ

• प्रथम चरण म ये योजना प्रदेस के सबो 14 नगर निगम म होही लागू
• नागरिक मनला मितान के माध्यम ले नागरिक सेवा के लाभ घर बइठे मिलही
• मूल निवास प्रमाण पत्र, जाति, आय, जन्म-मृत्यु प्रमाण पत्र, दुकान पंजीकरण जइसे केऊ नागरिक सेवा मिलही

अंजोर.रायपुर, 30 अप्रैल। मुख्यमंत्री भूपेश बघेल अंतर्राष्ट्रीय मजदूर दिवस के मउका म 1 मई के 11 बजे वर्चुअल समारोह म ’मुख्यमंत्री मितान योजना’ के शुभारंभ करहीं। पहिली चरण म ये योजना प्रदेस के सबो 14 नगर निगम म लागू होवत हावय। जेकर तहत नागरिक ल आने-आने विभाग के सेवा के लाभ उंकर घर म मितान के माध्यम ले करार समय-सीमा म पूरा पारदर्शिता के संग उंकर डोर-स्टेप म दे जाही। ए योजना के तहत नागरिक के मूल निवास प्रमाण पत्र, जाति प्रमाणपत्र, आय प्रमाण पत्र, दस्तावेज़ के नकल के खातिर अनुरोध, गैर-डिजिटाइज्ड (भूमि रिकॉर्ड उक के प्रति), जन्म-मृत्यु प्रमाण पत्र, बिहाव पंजीकरण अउ प्रमाणपत्र, दुकान पंजीकरण, भूमि के जानकारी, जनम प्रमाणपत्र सुधार, मृत्यु प्रमाणपत्र सुधार, बिहाव प्रमाणपत्र सुधार उक नागरिक सेवा घर बइठे दे जाही।

मुख्यमंत्री श्री बघेल के सर्वाच्च प्राथमिकता वाला ए योजना के तहत मिले सबो आवेदन ल मुख्यमंत्री मितान योजना के माध्यम ले बिना कोनो देरी के प्राथमिकता के आधार म कार्रवाई करे जाही। संबंधित आवेदन करइया के प्रमाण पत्र ’मितान’ डहर ले उंकर घर म दे  जाही।