अंजोर.रायपुर, 12 अप्रैल। छत्तीसगढ़ योग आयोग के डहर ले रायपुर के पं. दीनदयाल उपाध्याय ऑडिटोरियम म तीन दिवसीय राज्य स्तरीय योगासन प्रतियोगिता के आयोजन करे जात हावय। ये प्रतियोगिता ए महीना के 25 अप्रैल ले सुरू होके 27 अप्रैल तक चलही। कार्यक्रम म 26 अप्रैल के बिसेस सूर्य नमस्कार अउ आन योगाभ्यास कराए जाही।
प्रतियोगिता म भाग ले के खातिर लिंक- https://forms.gle/EexUe3UyxacHD4HDA के माध्यम ले पंजीयन करे जा सकत हाबे। प्रतियोगिता म महिला अउ पुरुष श्रेणी म तीन उमर वर्ग तय हावयं। प्रतिभागी 15 साल ले कम, 15 ले 19 साल अउ 19 ले जादा साल के उमर वर्ग म भाग ले सकत हावयं। प्रतियोगिता एकल अउ समूह दुनों वर्गो म होही, जेकर खातिर पृथक-पृथक पंजीयन करे होही। समूह म भाग ले के खातिर एक समूह म 05 ले 12 सदस्य भाग ले सकत हावयं। येकर अकताहा 26 अप्रैल के सूर्य नमस्कार अउ योगाभ्यास के खातिर अलग ले पंजीयन करे जा सकत हाबे। पहिली म आवेदन करके चुके प्रतिभागियों के दोबारा आवेदन करे जरूरत नइ हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।