मानव कल्याण अउ सामाजिक समरसता म बाबासाहेब के योगदान अविस्मरणीय : कुलपति डॉ. गिरिश चंदेल

अंजोर.रायपुर, 14 अप्रैल। इंदिरा गांधी कृषि विश्वविद्यालय म भारतीय संविधान के प्रमुख शिल्पी भारत रत्न बाबा साहेब डॉ. भीमराव अम्बेडकर की जयंती मनाई गिस। कृषि कॉलेज रायपुर के सभागार म आयोजित कार्यक्रम के माई पहुना इंदिरा गांधी कृषि विश्वविद्यालय के कुलपति डॉ. गिरीश चंदेल ह भारतीय संविधान के रचना म बाबा साहेब डॉ. अम्बेडकर के योगदान के रेखांकित करत होए किहिन के डॉ. अम्बेडकर ह आजीवन भारत म सामाजिक समरसता स्थापित करे अउ शोषितों, वंचितों के सामाजिक न्याय देवाये के खातिर संघर्ष करिन। 

डॉ. अम्बेडकर मानव कल्याण अउ देश के उत्थान के खातिर सरलग प्रयासरत रिहिन। डॉ. चंदेल ह बाबा साहेब अम्बेडकर के श्रद्धांजलि देत होए पढ़ईया मन ले बाबा साहेब के बताये रद्दा अउ आदर्श के अनुसारण करके मानव जाति अउ देश के कल्याण के खातिर बुता करे के आव्हान करिन। कार्यक्रम के अध्यक्षता इंदिरा गांधी कृषि विश्वविद्यालय के अधिष्ठाता पढ़ईया कल्याण डॉ. जी.के. श्रीवास्तव ह करिस। ए मउका म कृषि विश्वविद्यालय रायपुर म आयोजित रंगोली, चित्रकला, स्कैचिंग, नारा लेखन अउ क्विज़ प्रतियोगिताओं के विजेता प्रतिभागियों के पुरस्कृत तको करे गिस।