Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

Chhattisgarhi Film : चल हट कोनो देख लिही 13 मई के रिलीज होही, दिलेश अउ अनिकृति के जोड़ी म सतीश जैन के दांव

Chal Hat Kono Dekh Lihi  Chhattisgarhi Film | छत्तीसगढ़ी फिलिम : चल हट कोनो देख लिही 13 मई के रिलीज होही, दिलेश अउ अनिकृति के जोड़ी म सतीश जैन के दांव
Chal Hat Kono Dekh Lihi  Chhattisgarhi 

सिनेमा. श्री शबरी फिल्मस् अउ सतीश जैन प्रोडक्शन के बैनर तले बने छत्तीसगढ़ी फिलिम ‘चल हट कोनो देख लिही’ अब 13 मई 2022 ले सिनेमाघर म प्रदर्शित होत हावय। फिलिम के निर्देशन करे हावयं सतीश जैन अउ निर्माता हावय छोटेलाल साहू अउ सतीश जैन। छॉलीवुड के सिल्वर जुबली निर्देशक सतीश जैन के निर्देशन म ए बार फिलिम चल हट कोनो देख लिही म एक्शन स्टार दिलेश साहू पहिली बार उंकर संग काम करे हावयं संग ही अनिकृति चौहान के ये तीसरा बड़का फिलिम हावय।

‘चल हट कोनो देख लिही’ एक मनोरंजक फैमिली ड्रामा हावय जेमा लव अउ रोमांस के संग जबरदस्त एक्शन तको हावय। किथे के फिलिम के कहानी एक अमीर बाप के अडि़यल बेटी अउ एक आटो वाला के प्रेम के नोकझोक ले सुरू होत हावय। नायक दिलेश साहू के मां के भूमिका म हावयं छॉलीवुड के मशहूर अदाकारा अंजली सिंह चौहान जेला छत्तीसगढ़ी सिनेमा ‘कारी’ के रूप म तको जानत हावय. उहें नायिका अनिकृति चौहान के पिता के किरदार म सुपरहिट खलनायक रजनीश झांझी अउ मां के रूप म अनुराधा दुबे हावयं. फिलिम के कहानी म दू पाट हावय एक प्रेम अउ दूसरा राजनीति. दुनों म अंजली सिंह चौहान के दमदार अउ धारदार संवाद लोगन ल बहुत भाथे। 

शुरूआत म अनिकृति चौहान के प्रेम कहानी टिपिकल हिन्दी फिलिम के रकम ले ना-ना ले होथे जेन बाद म हां म बदल जात हावय. दोनो के बीच के प्यार ही फिलिम के स्टोरी के जान हावय जेन आगू राजनीतिक रंग म बदल जात हावय। आटो स्टेंड ले कोर्ट तक दिलेश अउ अनिकृति के ही जलवे हावय. ए बीच पारिवारिक जंग मनोरंजन के संग कहानी के सुखांत के तनि बढ़ाथे। प्रोडक्शन टीम डहर ले आधिकारिक ट्रेलर ले फिलिम के अनकहीं बात के कुछ यूं ही बयां करे गे हावय जेन अधूरी जरूर हावय फेर देखइया के भीड़ सिनेमाघर तक खीचे बर काफी हावय।

‘चल हट कोनो देख लिही’ के आधिकारिक ट्रेलर म - ‘कोनो के अकल बदाम खाये ले आथे, कोनो के अकल ठोकर खाये ले आथे अउ तुंहर सही कुकुर मनके अकल सिरिफ लात खाये म आथे’। ‘एक मामूली आटो वाला ले तोर बेटी ल महोब्बत होगे हे’। ‘चिंता मत कीजिए दामाद आटो चलाता हावय बेटी भूखी नइ रइही’. ‘वो अंगूठाछाप डोकरी ल अंगूठा दिखाना हे- ओकर पढ़े-लिखे बेटी ले मोला चुल्हा फूकवाना हे’। जइसे धारदार संवाद निश्चित ही सिनेमाघरों म बवाल करही। लोगन के जुबान म चड़ेगा. सुमधुर गीत अउ कर्णप्रिय संगीत मन के आनंदित करता हावय। फिलिम म हास्य के गोला त नइ हावय फेर फुलझड़ी आपको फूल मनोरंजन दिही। 

‘चल हट कोनो देख लिही’ के आधिकारिक ट्रेलर म यदि कही सोचने वाला बात हावय त वो ह हावय दिलेश साहू के किरदार, वो आटो वाला हावय या वकील। एक पल वो काले कोर्ट म वकील के रूप म दिखते हावयं त आन ही पल म आटो वाला के ड्रेस म सड़क म आटो चलाते दिखते हावयं। अनिकृति चौहान तको काले कोर्ट म वकील के रूप म हावयं, फेर उंकर बाप एक बहुत बड़का नेता हावय। बाप मंत्री हावय त बेटी छोटे सी वकील कइसे? नायक के मां आखिर अडि़यल लड़की के ही अपन बहू काबर बनाना चाहत हावयं? कहूं नायक के डबल रोल त नहीं? जइसे कई अउ सवाल हावय जेकर खुलासा 13 मई 2022 के होही.   

अहम किरदार के बात करें त फिलिम चल हट कोनो देख लिही म दिलेश साहू अउ अनिकृति चौहान के अलावा रजनीश झांझी, अंजली सिंह चौहान, प्रदीप शर्मा, अनिल शर्मा, अनुराधा दुबे, मनोज वर्मा, डॉ. अजय सहाय, हेमलाल कौशल, उपासना वैष्णव, तेजराम साहू, मनोज जोशी, सलीम अंसारी, क्रांति दीक्षित, अंशुल अवस्थी, तुषार कांत शर्मा, जानसन अरूण, शैलेश साव, छोटेलाल साहू, राजू शर्मा, उषा विश्वकर्मा, अनुपम भार्गव, पुष्पांजलि शर्मा, मनीषा वर्मा, पूजा देवांगन, अराध्या  सिन्हा, रिया साहू अउ संगीता निषाद के दमदार अदाकारी देखे ल मिलही। 

चल हट कोनो देख लिही के अभी तक जेन गीत सोशल मीडिया म आया हावय बहुत ही शानदार हावय। गीत के शब्द दिल के छूवत हावय। सबो गीत मन ल छत्तीसगढ़ी के पारंपरिक शैली म संगीतबद्ध करे गे हावय, गीत बार-बार सुने बर लालायित करथे। चल हट कोनो देख लिही के शीर्षक गीत, राखे रहीबे, महंगा परही मोर प्यार, सीटी बाजे, मता दे टूरी..., जइसे गीत फिलिम के रिलीज ले पहिली ही लोकप्रियता के शिखर म हावय।
  • फिल्म - चल हट कोनो देख लिही
  • निर्माता - छोटेलाल साहू, सतीश जैन
  • निर्देशक - सतीश जैन
  • गीतकार - सतीश जैन
  • संगीत - सुनील सोनी
  • कलाकार - दिलेश साहू, अनिकृति चौहान, रजनीश झांझी, अंजली सिंह चौहान
  • कैमरा - तोरण राजपूत
  • कोरियोग्राफी - निशांत उपाध्याय, चंदन दीप
  • संपादक - तुलेंद्र पटेल
  • एक्शन - अंदलिब पठान
  • रिकॉर्डिंग - मिलन स्टूडियो कटक
  • संगीत बेवस्था - प्रफुल्ल बैहरा
  • भाषा - छत्तीसगढ़ी
  • रिलिज - 13 मई 2022

2 टिप्‍पणियां:

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - प्रकाश मोबाईल सेंटर अमलीडीह (पानी टंकी के सामने), रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285