बाबा साहेब ह दलित, शोषित अउ वंचित मन खातिर समर्पित कर दिस जीवन : मुख्यमंत्री श्री भूपेश बघेल

अंजोर.रायपुर, 14 अप्रैल। मुख्यमंत्री भूपेश बघेल अंबेडकर चौक म आयोजित बाबा साहेब भीमराव अंबेडकर जयंती समारोह म सामिल होए। इहां ओमन मंगल भवन के खातिर 50 लाख रूपिया अउ देवेन्द्रनगर के बौद्ध विहार म ऑडिटोरियम बनाये के खातिर 50 लाख रूपिया के रकम दे के घोसना करिस।  येकर संग ओमन अंबेडकर चौक म नगर निगम डहर ले बाबा साहेब के 20 फ़ीट ऊंची नवा प्रतिमा स्थापित करे के घोसना करिस। सभा के संबोधित करत मुख्यमंत्री ह किहिन के बाबा साहेब अंबेडकर ह दलित, शोषित अउ वंचित मन खातिर अपन सरी जीवन समर्पित कर दीस। वो जनम ले लेके मृत्युपर्यंत दलित के उद्धार म लगे रिहिन। ओमन सामाजिक दंश झेले बावजूद उच्च शिक्षा पाइस अउ समाज के सेवा अउ उत्थान म जुड़गे।

बाबा साहेब अंबेडकर ह मंत्र दे के 'शिक्षित बनो, संगठित रहो अउ संघर्ष करो' । शिक्षा ही हमन ल अपन अधिकार अउ कर्तव्य के भान कराथे। जब हमन ल अपन कर्तव्य के भान होथे हावय, हम अपन उपेक्षा के विरुद्ध सोचत हावयं, यही विचार हमन ल संघर्ष के प्रेरणा देती हावय अउ संघर्ष संगठित होके ही करे जाथे। बाबासाहेब के दे संविधान हमन ल सामाजिक, आर्थिक अउ राजनीतिक समानता के मउका देत हावय। ए संविधान के चलते हमन ल आरक्षण मिले हाबे। बाबा साहेब न होवत त समाज वर्ग विभाजन के ऊपर नइ उठ पातेन। ओमन हमन ल दुनिया के सबले अच्छा संविधान दे, जेमा शिक्षा, समानता अउ नौकरी के अधिकार दे हावय।