धमतरी म भाईचारा अउ एकता ले तिहार मनाये के अपील

अंजोर.धमतरी,29 अप्रैल। कलेक्टर पी.एस.एल्मा अउ पुलिस अधीक्षक प्रशांत ठाकुर ह शांति समिति के बइठक लेवत होए जिलावासी ले अपील के हावय के वो सौहार्द्रपूर्ण वातावरण म अवइया दिन म आनेवाला तिहार ल मनाएं। कलेक्टोरेट सभाकक्ष म बिहनिया 11.30 बजे ले आहूत ए बइठक म आने-आने समाज के प्रतिनिधि मौजूद रिहिन। येकर उपस्थिति म कलेक्टर अउ पुलिस अधीक्षक ह जिला म आपसी सद्भाव, भाईचारा अउ एकता के परिचय देवत अवइया दिन म आने वाला तिहार ल मनाने म जोर दे। ए मउका म शांति समिति के सदस्य मन ह आश्वस्त करिन के जिला म सबो आपस म मिलजुलकर आने-आने तीज-तिहार ल मनावे। ए मउका म उप पुलिस अधीक्षक श्रीमती निवेदिता पॉल, एडीएम ऋषिकेश तिवारी, अनुविभागीय अधिकारी धमतरी विभोर अग्रवाल सहित शांति समिति के सदस्य, गणमान्य नागरिक अउ मीडिया के प्रतिनिधि उपस्थित रिहिन।