राज्यपाल सुश्री अनुसुईया उइके ह यूक्रेन म फंसे छत्तीसगढ़ के पढ़ईया मन के सकुशल वापसी खातिर विदेश मंत्री ल लिखिस पत्र

अंजोर.रायपुर, 01 मार्च। रूस अउ यूक्रेन के बीच चलत तनाव के स्थिति म छत्तीसगढ़ राज्य के कई पढ़ईया यूक्रेन म फंसे हावयं। ओला सकुशल भारत वापस लाये के खातिर राज्यपाल सुश्री अनुसुईया उइके ह भारत के विदेश मंत्री डॉ. सुब्रमण्यम जयशंकर के चिट्ठी लिखे हावय।

सुश्री उइके ह चिट्ठी के माध्यम ले विदेश मंत्री के अवगत कराइन के  छत्तीसगढ़ के जगदलपुर निवासी शेर सिंह तोमर ह अपन पुत्र अउ नोनी के सकुशल भारत वापसी के खातिर निवेदन करिन हावय। श्री तोमर के नोनी सुश्री दीप्ती अउ  निहाल तोमर यूक्रेन के कीव म पढ़त हावय। इही रकम ले नॉर्थ अमेरिका छत्तीसगढ़ एसोसिएशन (नाचा) के गणेश कर ह तको यूक्रेन म फंसे छत्तीसगढ़ राज्य के 110 पढ़इया लइका के संपर्क सूची संलग्न करके वापसी बर निवेदन करिन हावय।