अंजोर.रायपुर, 01 मार्च। महिला अउ बाल विकास मंत्री श्रीमती अनिला भेंड़िया आज बालोद जिला के दल्लीराजहरा म आयोजित मुख्यमंत्री कन्या बिहाव योजना म सामिल होइस। ओमन उहां आयोजित समिलहा बिहाव म 58 नवदंपत्तीि ल सुखमय दाम्पत्य जीवन के खातिर आशीर्वाद दे। समिलहा बिहाव के आयोजन गायत्री शक्तिपीठ परिसर म परिवारजन अउ गणमान्य अतिथि के उपस्थिति म करिन।
मंत्री श्रीमती अनिला भेंड़िया ह ए मउका म ओमन किहिन के मुख्यमंत्री समिलहा कन्या बिहाव योजना शासन के महत्वाकांक्षी योजना हावय। मुख्यमंत्री भूपेश बघेल के संवेदनशील सोच हावय के बेटी के बिहाव बिना कोनो पारिवारिक खर्च के आसानी ले हो, इही सोच के चलते ओमन योजना के ले दे जाये वाला रकम पन्द्रह हजार रूपिया ले बढ़ाके पच्चीस हजार रूपिया दे के फइसला लिस। येकर ले मुख्यमंत्री कन्या बिहाव के आयोजन अउ अच्छा ले सम्पन्न होत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।