अंजोर.रायपुर, 16 मार्च। प्रदेस के आंगनबाड़ी केन्द्र म 21 मार्च ले राज्य सरकार डहर ले संचालित सबो सेवा दे जाही। महिला अउ बाल विकास विभाग ह प्रदेस म कोविड संक्रमण म रोकथाम अउ नवा न्यूनतम प्रकरण ल देखत सबो सेवा के खातिर आंगनबाड़ी केन्द्र के खोले के निर्देश दे हावयं। नया रायपुर के मंत्रालय ले बुधवार के ए संबंध म सबो कलेक्टर, संभागायुक्त अउ विभागीय जिला अधिकारी मनल निर्देश जारी करके दे हावयं। जानबा होवय के कोविड-19 संक्रमण के देखत होए स्वास्थ्य अउ पोषण दिवस अउ गरम भोजन बर ही आंगनबाड़ी केन्द्र खोले जाये के निर्देश रिहिस।
राज्य म कुपोषण के रोकथाम अउ लइका के शारीरिक अउ मानसिक विकास बर बच्च, गर्भवती महिला मन अउ शिशुवती महतारी मन के आंगनबाड़ी केन्द्र डहर ले दे जाये वाला सुविधा के लाभ दे जाना जरूरी हावय। राज्य म अभी के बेरा म कोविड संक्रमण रोकथाम म हावय, एला देखत विभाग ह कोविड-19 ले सुरक्षा के संबंध म जारी सबो दिशा-निर्देश के पालन करत सबो सेवा के संचालन आंगनबाड़ी केन्द्र म सुनिश्चित करना किहिन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।