राज्य स्तरीय जनजातीय नृत्य महोत्सव अउ राष्ट्रीय जनजातीय साहित्य महोत्सव 19 अप्रेल ले

अंजोर.कोरबा,17 मार्च। जनजातीय संस्कृति के संरक्षण, संवर्द्धन अउ प्रचार-प्रसार के उद्देश्य ले राज्य स्तरीय जनजातीय नृत्य महोत्सव अउ राष्ट्रीय जनजातीय साहित्य महोत्सव अउ नृत्य कला प्रतियोगिता के आयोजन 19 अप्रेल ले 21 अप्रेल 2022 तक रायपुर म करे जाही। प्रतियोगिता म जनजातिय म प्रचलित उंकर विशिष्ट परंपरागत नृत्य शैली साहित्य अउ कला के प्रदर्शन करे जाही। सहायक आयुक्त आदिवासी विकास विभाग श्रीमती माया वारियर ह बताइन के कोरबा जिला के कर्मा नृत्य अउ डंडा नृत्य बर जिला स्तर म सर्वश्रेष्ठ दल के चयन करके संभाग स्तरीय प्रतियोगिता म भेजे खातिर सबो जनपद के सीईओ ले दल के जानकारी मंगाये हावय। संग ही जिला के आने-आने क्षेत्र के जनजातीय विषय म लिखे वाला साहित्यकार अउ कलाकार मनके जानकारी तको मंगाये हावय।