अंजोर.ए। राष्ट्रीय खनिज विकास निगम लिमिटेड (एनएमडीसी) एक साल म 40 मिलियन टन (एमटी) ले जादा लौह अयस्क के उत्पादन करे वाला देश के पहिली कंपनी बन गे हावय। देश के सबले बड़का लौह अयस्क उत्पादक इस्पात मंत्रालय के तहत कार्यरत एक सीपीएसई हावय। 1960 के दशक के अंत म 4 एमटीपीए के उत्पादन ले लेके अब 40 मिलियन टन तक, देश के सबले बड़े लौह अयस्क उत्पादक कंपनी के प्रगति असाधारण रेहे हावय। 1969-70 म 4 मिलियन टन ले सुरू होके, एनएमडीसी ह 1977-78 म 10 मिलियन टन के आंकड़ा ल पार करिन, 2004-05 तक ये एक अउ दस मिलियन के जोड़ा, एक दशक के भीतर 30 मिलियन टन के पार करिन अउ अब 40 मिलियन के आंकड़े के पार पहुंच गे हावय।
घरेलू लौह अयस्क के मांग म सरलग बड़वार के संग तालमेल बिठात, कंपनी उत्पादन बढ़ाये के कोशिश म महत्वाकांक्षी विस्तार योजना मन अउ पूंजीगत खर्च करत हावय। हाल के समय म, एनएमडीसी ह अत्याधुनिक तकनीक के अपनाये हावय अउ कोविड के चलत आये सुस्ती अउ क्षेत्र म अस्थिरता ल दूरिहा करे के खातिर एक परिवर्तनकारी डिजिटल बुनियादी ढांचा तइयार करिन हावय। स्केल ले स्ट्रेंथ तक आगू बढ़त, कंपनी ह बुनियादी सिद्धांत अउ दूरदर्शी कार्यबल के सामर्थ्य ले 40 मिलियन टन लौह अयस्क उत्पादन के मील के पत्थर तय करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।