Kaushalya Maternity Scheme Chhattisgarh | कौशल्या मातृत्व योजना के शुभारंभ करिस मुख्यमंत्री श्री भूपेश बघेल

अंजोर.रायपुर, 07 मार्च। मुख्यमंत्री भूपेश बघेल ह अंतर्राष्ट्रीय महिला दिवस म प्रदेस के महिला मन ल बड़े सौगात दीस हावय। ओमन आज राजधानी रायपुर के बीटीआई ग्राउंड म आयोजित राज्य स्तरीय महिला सम्मेलन म सुरक्षित मातृत्व के खातिर पांच हितग्राही मन ल 05-05 हजार रूपिया के चेक दे करके कौशल्या मातृत्व योजना के शुभारंभ करिन। ए योजना के तहत दूसरइया नोनी के जनम म महिला हितग्राही मन ल एक मुश्त 5 हजार रूपिया के मदद रकम दे जाये के प्रावधान हावय। योजना ले लइका मन के लालन-पालन अउ शिक्षा म मदद मिलही।

अंतर्राष्ट्रीय महिला दिवस के मउका म महिला मनला बड़का सौगात

            कार्यक्रम म महिला बाल विकास मंत्री ह किहिन के मुख्यमंत्री डहर ले सुरू करे कौशल्या मातृत्व योजना बेटी मन के पढ़ाई-लिखाई के बेवस्था के संग उंकर पोषण म सहायक साबित होही। ओमन किहिन के छत्तीसगढ़ म महिला समूह के माध्यम ले बड़े संख्या म महिला मन आगू आत हावयं। आज महिला समूह के माध्यम ले छत्तीसगढ़ के नाम देश-विदेश म हो रिहिन हावय। ये समूह के अपन समान के प्रदर्शन के संग बिक्री के मउका महिला मड़ई म दे गे हावय। येकर ले अनुभव के आदान-प्रदान होए के संग उंकर जिनिस के खातिर बढि़या बाजार मिलही। ओमन प्रदेस मंन नशा-मुक्ति के खातिर महिला मन ल आहवान करत ओला बढि़या समाज बनाये अउ परम्परा के संरक्षण के खातिर प्रेरित करिन।

         ए मउका म नगरीय प्रशासन मंत्री डॉ. शिव कुमार डहरिया, राज्यसभा सांसद श्रीमती छाया वर्मा, छत्तीसगढ़ बाल संरक्षण आयोग की अध्यक्ष श्रीमती तेजकुंवर नेताम, विधायकगण श्रीमती अनिता योगेन्द्र शर्मा, सुश्री शकुंतला साहू, श्रीमती संगीता सिन्हा, श्रीमती लक्ष्मी ध्रुव, जिला पंचायत रायपुर की अध्यक्ष श्रीमती डोमेश्वरी साहू सहित नगरीय अउ पंचायती राज संस्था मन के पदाधिकारी अउ बड़े संख्या म महिला मन उपस्थित रिहिसं।