अंजोर. रायगढ़। गांजा तस्कर रायगढ़ जिला के सीमा ले गांजा पार करे के तरह-तरह के तरकीब म लगे रिहिन हावयं फेर पुलिस अधीक्षक अभिषेक मीना के दिशा निर्देशन म ओड़िशा ले लगे वाला जिला के थानाक्षेत्र म पुलिस के चौक चौबंध बेवस्था ले तस्कर के सबो तरकीब विफल साबित होत हावय ।
डोंगरीपाली निरीक्षक जितेन्द्र एसैया के अगुवई म गौरेला पेण्ड्रा मरवाही (GPM) जिला के गांजा तस्कर के छोटा हाथी वाहन म गांजा के तस्करी करत पकड़े गे हावय। आरोपी वाहन के डाला के नीचे चेम्बर बनाके गांजा ओड़िशा ले बीच प्रदेस के अनूपपुर ले जाये के फिराक म रिहिस। वाहन ले 150 किलो गांजा कीमती 15 लाख रूपिया के जप्ती करे गिस हावय। आरोपी म एनडीपीएस एक्ट के कार्रवाई करके रिमांड म भेजा गे हावय।
चालक ले ओकर नाम पता पूछे म अपन नाम रविशंकर पनरिया पिता स्व. सुरेश पनरिया उमर 29 साल वार्ड नम्बर 04 फाटकटोला, गांव सारबहरा, थाना गौरेला जिला गौरेला पेण्ड्रा मरवाही (छ.ग.) के रहइया बताइन। गांजा रेड के कार्रवाई म निरीक्षक जितेन्द्र एसैया, थाना प्रभारी डोंगरीपाली, सहायक उप निरीक्षक राम कुमार मानिकपुरी, जगजीवन जोल्हे, गजानंद पटेल, भीमसेन भोय अउ विशाल यादव के अहम भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।