उद्योग मंत्री लखमा ह बारु नदी म पुल बनाये के करिन भूमिपूजन

अंजोर.रायपुर 01 फरवरी। उद्योग मंत्री कवासी लखमा ह सुकमा जिला के छिंदगढ़ ब्लॉक के गांव सगुनघाट म बारु नदी म पुल बनाये के खातिर भूमिपूजन करिन। बारु नदी म 990.36 लाख के लागत ले 168 मीटर पुल बनाये ले सगुनघाट अउ गुपनपाल के बीत के दूरी कम हो जाही।

उद्योग मंत्री श्री लखमा ह बारु नदी म पुल अउ पहुंच रद्दा बनाये बुता के भूमिपूजन म गांव वाला ल बधाई दीस। ओमन किहिन के जिला के विकास के खातिर सड़क अउ नदी म सुगम आवागमन के खातिर पुल के जरूरी हावय। पुल बनाये ले सगुनघाट, लेदा, पुसपाल, रेड्डीपाल, बदनपाल, कुमाकोलेंग, चितलनार, किकिरपा अउ तुमुकपाल सहित 9 गांव के लगभग 10 हजार गांव वाला ल आवागमन के सुविधा मिलही।