प्रदर्शनी म छत्तीसगढ़ मॉडल देखे बर उमड़ीस भीड़, अब 6 फरवरी तक रेहे के घोसना करिस मुख्यमंत्री भूपेश बघेल

मुख्यमंत्री भूपेश बघेल

अंजोर.रायपुर, 04 फरवरी। साइंस कॉलेज मैदान म लगाये गे विकास प्रदर्शनी ल आम लोगन के खातिर 4 अउ 5 फरवरी राखे गे रिहिस जेन ल प्रदेश के मुखिया दाऊ भूपेश बघेल ह एक दिन अऊ बढ़ाके 6 फरवरी तक करे के घोसना करे हावय। जनसंपर्क विभाग डहर ले लगाये गे फोटो प्रदर्शनी म छत्तीसगढ़ मॉडल के देखे खातिर भीड़ उमड़त हावय। जेमा स्कूली लइका, युवा, बुजुर्ग,महिला अउ आम नागरिक शासन के जनकल्याणकारी योजना मनके आरो लेवत हावय। इहां आम लोगन अपन अनुभव ल  यादगार बनाये के खातिर सेल्फी पॉइंट म उत्साह ले सेल्फी लेत हावयं। प्रदर्शनी म जनसंपर्क विभाग डहर ले प्रकाशित सरकारी योजना, कार्यक्रम म आधारित पत्रिका, ब्रोशर, पॉम्पलेट के बाटे तको करे जात हावय।