अंजोर.रायपुर, 28 फरवरी। रायपुर शहर के दू शहरी स्वास्थ्य केन्द म सियान जतन क्लीनिक के आयोजन 2 मार्च के करे जाही। शहरी सामुदायिक स्वास्थ्य केंद्र, गुढ़ियारी अउ शहरी प्राथमिक स्वास्थ्य केंद्र, भांटागांव म 60 साल ले जादा उमर वर्ग के सियान मन के फोकट म जांच अउ उपचार करे जाही। अस्पताल मन म बिसेस रूप ले 4 विशेषज्ञ डॉक्टर मन डहर ले सेवा देही। सियान जतन क्लीनिक 2 मार्च 2022 के बिहनिया 10 बजे ले सुरू होही। वो ह देर संझा तक संचालित होही।
सियान जतन क्लीनिक म नाक, कान, गला, आंख सम्बन्धी समस्या, मोतियाबिंद, हड्डी रोग अउ मांसपेशी ले संबंधित, डायबिटीज, हाइपरटेंशन अउ न्यूरोलॉजिक संबंधित बीमारी के फोकट म जांच, उपचार करे के संग ही मरीज मन ल फोकट म दवा दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।