बेरोजगार युवा मन खातिर रोजगार पाये के सोनहा मउका

रोजगार

अंजोर.कोरिया,07 फरवरी। कोरिया जिला के बेरोजगार युवा मन बर रोजगार पाये के सोनहा मउका हावय। एसआईएस के माध्यम ले सुरक्षा जवान, सुरक्षा सुपरवाईजर, सी.आई.टी, इन्सटेक्टर, भरती अधिकारी के पद म भरती होही। भरती अधिकारी कुलदीप सोनकिया ह बताइन के शिविर के आयोजन 06 फरवरी ले सुरू हो चुके हावय। जेन 25 फरवरी तक करे जाही। इच्छुक युवा नियत तिथि अउ समय म उपस्थित होके रोजगार पा सकत हावय।

ओमन बताइन मनेन्द्रगढ़ थाना म 06 फरवरी के शिविर के आयोजत करे गे हावय। अवइया 09 फरवरी के थाना चिरमिरी म शिविर के आयोजन करे जाना हावय। इही रकम ले थाना पोड़ी म 10 फरवरी, थाना चरचा म 11 फरवरी, थाना पटना म 12 फरवरी, थाना झगराखाण्ड म 14 फरवरी, थाना खड़गवां म 15 फरवरी, थाना केल्हारी म 16 फरवरी, थाना कोटाडोल म 17 फरवरी, थाना जनकपुर म 21 फरवरी, थाना सोनहत म 22 फरवरी, थाना बैकुण्ठपुर म 23 फरवरी अउ पुलिस लाईन बैकुण्ठपुर म 25 फरवरी के शिविर के आयोजन करे जाही। जादा जानकारी के खातिर भरती अधिकारी के मोबाइल नम्बर 7509781949 अउ कमान्डेन्ट अनिश तिवारी मोबाइल नम्बर 9523046444 ले सम्पर्क करे जा सकत हावय।